MASMUR 127:2 - BIBEL JAMITA NA DENGGAN

² Parcuma sajo do halolojamunu manjalahi balanjo, sogot dope ari ngot jana manonga borngin kehe modom; angke dilehen Ia do rasoki tu na nihaholonganNia, dompak modom be halahi.

MASMUR 127:2 Iomraidhean Croise

JOB 11:18

Hot noma ho jana gok arop ni roha. Linggoman ni Debata ma ho anso marhasonangan.

MASMUR 3:5

Hupapayak jana modom au sonang, diramoti Ho do au borngin mamanjang.

MASMUR 4:8

Gabe modom ma au di bagasan sonang angke hum Ho do da Tuhan na bisa manjago au.

MASMUR 60:5

anso malua angka halak na nihaholongan ni rohaMu. Lehen ma hamonangan marhite kuasoMu jana tangihon ma tangiangnami.

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

PARJAMITA 1:14

Madung huida sude na masa di tano on. Pos ma rohamu, magopo do sudena i, tarsongon karejo na manangkup angin.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

PARJAMITA 5:12

Sada halak parkarejo bolas jadi do nada tuk panganonna, tapi palamani tarbaen do modom sinok. Sabalikna, sada halak na mora na songon i bahat sinadonganna, gabe nada tarbaen ia modom patunda ni sinadonganna i.

PARJAMITA 6:7

Karejo ni jolma i anso hum mangan do, hape nada jungada butong pangkilaannia.

JEREMIA 31:26

Dokkonon ni halak ma di hatiha i, ‘Dung sinok au tarpodom, togar ma huhilala.’

JEHESKIEL 34:25

BaenonKu ma parjanjian dohot halahi na manjamin aman halahi. PaorotonKu ma sude binatang panyoro sian luat i sude, lopus aman angka biri-biringKi tinggal di padang-padang i dohot modom di harangan-harangan i.