MASMUR 1:3 - BIBEL JAMITA NA DENGGAN

³ Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

MASMUR 1:3 Iomraidhean Croise

PAMUNGKAAN 39:23

Nada pola porlu be anto-antoan ni kapala ni hurungan i sandok karejo na nipasahat tu si Josep, dibaen Tuhan do mandongani ia gabe manjadi ma sude karejonia i.

PAMUNGKAAN 39:3

Diida tuannia, na nidonganan ni Tuhan do si Josep jana sai manjadi do sude na nikarejohon ni si Josep dibaen Tuhan.

2 RAJA-RAJA 18:7

Hara ni i ma umbaen na sai diurupi Tuhan ia gabe manjadi sanga aha pe na nikarejohonnia. Mamberontak do ia tu raja Asur jana nada ra ia tunduk tusi.

1 JUJUR TAON 22:11

Dung i didok si Daud ma mangulahi, “Saonnari amang, sai diurupi Tuhan Debatamu ma ho tongtong. Jana sai tulus ma nian tarpajongjong ho bagas i di Tuhan songon na dung dijanjihonNa i.

1 JUJUR TAON 22:13

Anggo burju do ho mangoloi sude aturan na nilehen ni Tuhan tu si Musa di bangso Israel, manjadi ma karejomu. Angkon puluk do ho jana marpos ni roha. Ulang ho mabiar sanga na mangadopi aha pe jadi.

2 JUJUR TAON 31:21

Marhasil do ia hara ni sude na nibaennia tu Bagas Ni Debata sanga na nibaennia laho mangoloi Tona Ni Tuhan, dibaen ia do sian situtu ni rohania hara ni holong ni rohania tu Tuhan Debatania.

2 JUJUR TAON 32:23

Bahat do halak marroan tu Jerusalem maroban haul tu Tuhan dohot angka hadiah di si Hiskia, jadi mamungka sian i gabe dipasangap sandok bangso ma ia.

JOB 14:9

tapi muda dais aek, mangolu ma mangulahi; songon simarata na marpupu sai martunasi.

JOB 22:28

Mardohar ma ho di sude karejomu, jana sondangan ni na torang ma dalanmu.

MASMUR 128:2

Panganonmu noma suha ni karejomu makmur jana sonang ngolumu.

MASMUR 129:8

Nada pola dokkonon ni halak pamolus, “Sai dipasupasu Tuhan ma nian ho, mangasahon goar ni Tuhan hami pasupasu ma ho.”

MASMUR 92:14

angka hayu na sai tongtong rata jana togu, jana haru pe matobang laing marbatu.

MASMUR 92:15

I ma da tandana na tigor Tuhan, Ia do pangondianku, nada adong hageduhan diSia.

JESAYA 27:11

Muda adong angka rantingna i na mahiang jana masopak, ro ma angka dadaboru mambuatisa baen soban. Nada diastui bangso i sanga na aha, jadi gabe nada haholongan ni Panompa i be halahi sanga asianNa.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

JESAYA 44:4

Martumbur halahi mangaloyok songon duhut di lambung ni aek, songon bona ni ampolu di topi ni batang aek.

JESAYA 58:11

Sai na toguon ni Tuhan do hamu jana angkon pasombuonNa rohamunu di tano na gariang. Sai parata-rataonNa do gogomunu anso tongtong horas torkis hamu. Gabe songon kobun ma hamu na tuk aekna, sanga mualna nada jungada mate.

JEREMIA 17:8

Songon hayu na di topi ni batang aek na nipangolu do halahi manjarar uratna lalu tu aek i. Nada mabiar ia logo ni ari sai rata do angka bulungna i. Haru pe nada ro udan, nada pola susa angke sai marparbatu do i.

JEHESKIEL 17:8

Hape nian tarsuan di tano na napu do anggur i mardongan aek na marsonang-sonang gabe tarbaen ia marbulung na sarmak, ramos marbatu jana gabe bona ni anggur na denggan.

JEHESKIEL 19:10

Tudos do indukmu tu bona ni anggur na jeges na tubu di kobun di lambung ni anak ni batang aek. Tubu ia napu boti marbatu hara ni aek na disi lobi so pola marsiadu.

JEHESKIEL 31:5

Dibaen na so unjung hurang aekna simbur do tubu, ginjang dangkana. Sian sude hayu na adong di harangan i ma na gumincat tu ginjang an.

JEHESKIEL 47:12

Sapanjang topi ni batang aek angkup bariba martubuan do sude bona ni hayu sipanganon, nada unjung malos bulung ni hayu-hayu jana batuna pe nada marnamantak. Ganop bulan do bona ni hayu i marbatu, hara ni aek na sian Bagas Na Badia i mangaehisa. Sipanganon do angka batuna i jana bulungna marguna baen ubat.”

BILANGAN 24:6

Tarsongon barisan ni bona ni harambir. Suman tu kobun di topi ni aek godang. Songon hayu gaharu na nisuan ni Tuhan, tudos tu hayu ares na donok tu paridian.

MATEUS 13:6

Tapi dung manaek mataniari, rahar ma i lalu mate hara ni pejet ni uratna i.

MATEUS 21:19

Diida Ia ma di topi dalan i sada hayu gala-gala. Kehe ma Ia tu gala-gala i, hape umpe sangkamata batuna pe nada adong diida Ia, hum bulungna sajo do. Gabe didok Jesus ma tu hayu i, “Nada tola be ho marbatu salolotna!” Manigor malos ma bona ni gala-gala i.

MATEUS 21:34

Dung dapot hatihana mamutik batu ni anggur i, disuruhon partano na bidang i ma angka naposonia mandapotkon angka na mamola kobun i laho manjagit bolaanna.

MATEUS 21:41

Dialusi halahi ma, “Tontu bunuonnia ma sude angka parjahat i, dung i tu halak na asing noma dipabolahon ia kobun anggurnia i. Tu halak na ra mangalehen bolaan ni tano i tusia muda dapot hatihana,” ning halahi.

JOHANNES 15:6

Sanga ise na so tinggal di bagasan Au, ambungkonon ma ia songon ranting i gabe mahiang. Angka ranting na songon i, sipalaguton ma i jana siambungkonon tu bagasan api, anso mosok.

PANGARATAION 28:8

Pasupasuon ni Tuhan ma karejomunu jana gohanna angka talobatmunu dohot gandum. PasupasuonNia ma ho di tano na giot silehenonNia di ho.

JUDAS 1:12

Muda hatiha mambaen pesta parjamuan hamu, laing halahi ma tongtong na mambaen tilako di hamu. Angke nada adong ila ni roha ni halahi, na songkal jana na pamokmokkon dirina. Songon ombun na niombuskon ni alogo do halahi, hape nada parohon udan. Laing songon suan-suanan do halahi na so marbatu haru pe madung dapot musimna; songon suan-suanan na niumpat do halahi gabe rahar.

HALUMBAAN 22:2

torus ma i tu angka dalan godang na di kota i. Ditopi ni batang aek i paipar-ipar adong ma bona ni hayu haroroan ni hangoluan, na marbatu ganop taon dua bolas noli, i ma sanoli sabulan. Bulungna i, dibaen do laho pamalumkon angka bangso.