LUKAS 9:51 - BIBEL JAMITA NA DENGGAN

⁵¹ Dung donok hatihana giot manaek Jesus tu banua ginjang, diadopkon Ia ma bohiNia tu Jerusalem laho kehe tusi.

LUKAS 9:51 Iomraidhean Croise

2 RAJA-RAJA 2:11

Laing mangkobar-kobari do halahi di na mardalan i. Jadi ompot ma ro sada kareta na marapi na nitarik ni kudo na marapi mayirang halahi na dua, jadi diangkat halingsungsung ma si Elia tu banua ginjang.

MARKUS 16:19

Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.

LUKAS 12:50

Laing adong dope pandidion na angkon sidalananKu. Jana susa sajo dope rohangKu salolot so tulus dope i.

LUKAS 13:22

Di pardalanan laho tu Jerusalem dibolusi Jesus do angka kota dohot angka huta jana mangajari disi.

LUKAS 17:11

Di na patoruskon pardalananNia Jesus tu Jerusalem mamolus ma ia sian parbalohan ni Samaria dohot Galilea.

LUKAS 18:31

Dioban Jesus ma siseanNia sidua bolas halak i sajo, jana didok Ia ma tu halahi, “Saonnari manangkok ma hita tu Jerusalem, jana tarjadi ma sudena na nisuratkon ni angka panurirang taringot tu Anak Ni Jolma i.

LUKAS 19:11

Dompak manangi-nangihon pangkataion ni Jesus dope halak na bahat i, dicaritohon Jesus ma sada umpama. Jadi hatiha i, marayak lalu ma Ia tu Jerusalem jana ning roha ni halak manigor tarida ma Harajaan Ni Debata.

LUKAS 19:28

Dung didok Jesus sudena i, parjolo ma Ia sian halahi tu Jerusalem.

LUKAS 24:51

Jadi taran na mamasumasu Ia tu halahi, marsirang ma Ia sian halahi, manaek ma Ia tu banua ginjang.

LUKAS 9:57

Dompak na patoruskon sidalanan i Jesus dohot angka siseanNia i, adong ma sada halak na mandok tu Jesus. “Ihutkononku do Guru i, sanga tu dia pe kehe Guru i!”

JOHANNES 13:1

Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.

JOHANNES 16:28

Tutu do i na ro sian Ama i do Au, jana madung Hudapotkon portibi on. Tapi saonnari, tadingkononKu ma mangulahi portibi on, mulak ma Au tu Damang.”

JOHANNES 16:5

Tapi anggo saonnari, kehe noma Au mandapotkon na marsuru Au; hape haru songon i, umpe sahalak sian hamu na manyapai, ‘Giot tu dia de Ho kehe?’

JOHANNES 17:11

Saonnari ro ma Au mandapotkon Damang. Nada be di portibi on Au; tapi anggo halahi laing di portibi on dope. Ale Amang na badia! Jagohon ma halahi dohot kuasoMi – i ma kuaso na nilehen ni Damang i tu Au – anso gabe sada halahi songon Damang na sada dohot Au.

JOHANNES 6:62

Bia do muda diida hamu saulahon Anak Ni Jolma i mulak manaek tu ingananna humani?

BAENON NI ANGKA RASUL 1:2

lopus tu ari hananaekNia tu banua ginjang. Dompak so manaek Ia tu banua ginjang, madung dilehen Ia hian markite-hite kuaso ni Tondi Parbadia angka tona tu angka rasul na nipiliNia i.

BAENON NI ANGKA RASUL 1:9

Dung didok Jesus songon i, tarangkat ma Ia tu banua ginjang dipanotnoti halahi, jana diholipi ombun i ma Ia sian parnidaan ni halahi.

EPESUS 1:20

na nipakeNia di na pangoluhon Kristus mangulahi sian hamatean jana dilehen Debata diSia pangkat na pargincat situtu rap dohot Debata di banua ginjang.

PILIPPI 3:14

Hara ni i ma umbaen na torus hulojong manuju tu tujuan na parpudi anso dapot au hamonangan, i ma ngolu na di banua ginjang; hara ni i do umbaen na nipio ni Debata hita markite-hite Jesus Kristus.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

IBRANI 6:20

Madung ditotas Jesus dalan sibolusonta tusi, jana madung masuk Ia tusi songon Malim Godang di hita salolot-lolotna, di bagasan horong ni Malim Melkisedek.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.