LUKAS 9:47 - BIBEL JAMITA NA DENGGAN

⁴⁷ Diboto Jesus do pikiran ni halahi, jadi dipiohon Ia ma sada dakdanak, dipajongjong Ia ma di lambungNia.

LUKAS 9:47 Iomraidhean Croise

MASMUR 139:2

Diboto Ho do sude pambaenanku; sian na dao diboto Ho do pikiranku.

MASMUR 139:23

Tangkasi ma au ale Debata, jana dodo ma rohangku; uji ma au jana tandai ma pikiranku.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

MATEUS 12:15

Diboto Jesus do na jahat roha ni halak Parise i maradopkon Ia. Dipamalum Ia ma sanga ise sian halahi na marnyae.

MATEUS 9:4

Diboto Jesus do na nipikiran ni halahi i gabe didok Ia ma, “Biasi he dipikiri hamu na jat di bagasan rohamunu lakna?

LUKAS 5:22

Diboto Jesus do na di bagasan roha ni halahi. Gabe ning Ia ma, “Aha dehe dipikiri hamu di bagasan rohamunu?

JOHANNES 16:30

Saonnari madung tangkas di hami, diboto Ho do sasudena; jana nada porlu be sapaan ni halak sanga na aha tu Ho. Jadi hara ni i, porsaya ma hami na sian Debata do haroroMu.”

JOHANNES 2:25

Nada porlu baenon ni halak hatorangan tuSia taringot tu jolma, harana diboto Ia sandiri do sanga aha na adong di bagasan roha ni jolma.

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.