LUKAS 9:45 - BIBEL JAMITA NA DENGGAN

⁴⁵ Nada diastui halahi i sanga aha maksud ni Jesus. Nian na dirahasiahon do tu halahi taringot tusi umbaen na so diastui halahi maksudna. Tapi halahi pe mabiar laho manyapaisa tu Jesus.

LUKAS 9:45 Iomraidhean Croise

MATEUS 16:22

Dung i ditogu si Petrus ma Jesus tu duru laho manggorahon Ia. Didok si Petrus, “Sai dipadao Debata ma na songon i sian Ho, Tuhan! Sai ulang ma tulus pangalaho na songon i tu Ho!”

MATEUS 17:22

Hatiha marlagut sude anak sisean ni Jesus di Galilea didok Jesus ma tu halahi, “Inda pola sadia honok nari, pasahaton ma Anak Ni Jolma i tu kuaso ni hajolmaon.

MARKUS 9:10

Dioloi halahi do na nidok ni Jesus i. Tapi anggo halahi sama halahi sajo mamungka ma dihata-hatai halahi sanga aha maksud ni Jesus di na nidokNia nangkin, “Mulak mangolu sian hamatean.”

MARKUS 9:32

Nada diastui angka sisean ni Jesus i na niajarkonNia i, tapi mabiar halahi marsapa tuSia.

LUKAS 18:34

Tapi sudena i saotik pe nada diastui angka siseanNia i. Nada tardodo halahi angka pandohan ni Jesus i. Nada diboto halahi sanga tudia lapatna na nidokkonNia i.

LUKAS 2:50

Tapi nada mangarti si Josep dohot si Maria sanga aha maksud ni Jesus.

LUKAS 9:46

Masa ma partongkaran di sisean ni Jesus taringot tu sanga ise na gumodang sian halahi.

JOHANNES 12:16

Anggo di hatiha i nada diastui anak sisean ni Jesus i dope taringot tusi. Tapi dung dipasangap Jesus, i ma dung diparsilangkon jana mulak mangolu Ia, baru pe diingot halahi na dung tarsurat songon i di bagasan Buku Na Badia taringot tuSia jana na dung dipatulus halahi songon i tuSia.

JOHANNES 12:34

Didok halak na bahat i ma tuSia, “Anggo mangihutkon Buku Tona ni ugamonami, salolot-lolotna do mangolu anggo Kristus i. Biasi do didokkon Ho patuginjangon di ginjang tano Anak Ni Jolma i. Ise lakna Anak Ni Jolma i?”

JOHANNES 14:5

Dung i didok si Tomas ma tu Jesus, “Nada hami boto Tuhan sanga na giot tu dia Ho kehe, sian dia ma hami boto dalan tusi?”

JOHANNES 4:33

Dung i mamungka ma sisean i marsisapaan sama halahi, “Na adong do halak maroban panganon diSia?”