LUKAS 9:40 - BIBEL JAMITA NA DENGGAN

⁴⁰ Madung nian hupangido anso diusir anak siseanMi begu i, tapi nada tolap halahi.”

LUKAS 9:40 Iomraidhean Croise

2 RAJA-RAJA 4:31

Anggo si Gehasi madung parjolo giot mamayakkon tungkot ni si Elisa i tu pamatang ni dakdanak i, hape nada adong sora sanga gorak pe na asing na patandahon mangolu dakdanak i. Jadi gabe kehe ma si Gehasi mandapotkon si Elisa jana didok ia ma, “Nada tarsunggul dope dakdanak i.”

MATEUS 17:20

Dialusi Jesus ma, “Angke hurang porsaya hamu. Ingot hamu ma! Sugari sagodang ni batu ni sabi pe adong haporsayaanmunu, tardok hamu do tu dolok on, ‘Morot ma ho sian on tu sadu!’ angkon pinda do dolok i. Jana nada adong sanga aha pe na so tarpatupa hamu! [

LUKAS 9:1

Dipiohon Jesus ma siseanNia sidua bolas halak i marlagut. Dilehen Ia ma gogo dohot kuaso tu halahi giot mangusir tondi na jahat dohot pamalum nyae.

LUKAS 9:39

Adong do begu manggosa ia, gabe sai ompot ma mangangguhi, martoltolan ma pamatangna i lopus margubo-gubo pamanganna i. Hancit dihilala ia. Nada ra morot begu i sian anakki!

LUKAS 9:41

Dialusi Jesus ma, “O, hamu angka pomparan na so porsaya jana na lilu! Olat ni andigan pe angkon rap Au dohot hamu jana sai sobar tu hamu? Oban ma tuson anakmi!”