LUKAS 9:39 - BIBEL JAMITA NA DENGGAN

³⁹ Adong do begu manggosa ia, gabe sai ompot ma mangangguhi, martoltolan ma pamatangna i lopus margubo-gubo pamanganna i. Hancit dihilala ia. Nada ra morot begu i sian anakki!

LUKAS 9:39 Iomraidhean Croise

MARKUS 9:18

Muda hatiha manombo dibaen setan i, dipartombomkon ma songon i pamatangna i tu tano i. Margubo-gubo ma pamanganna i, patutaktak ma iponnia i gabe jogal ma sude pamatangna i. Hupangidohon do nian anso dipaorot angka anak siseanMon setan i, tapi inda tarpaorot halahi.”

MARKUS 9:20

Dung i dioban halahi ma dakdanak i tu Jesus. Hum diida setan i Jesus, manigor martoltolan ma pamatang ni dakdanak i dibaen setan i gabe tinggang ma margiling-giling di tano i. Margubo ma pamanganna i.

MARKUS 9:26

Mangarar ma setan i, dipatoltol ia ma pamatang ni dakdanak i, haruar ma ia sian dakdanak i. Songon tompa ni bangke noma idaon dakdanak i jabat didok halahi sude, “Ma mate i!”

LUKAS 4:35

Disonggakkon Jesus ma tondi i. “Sip!” ninna Jesus, “Morot ma sian bayo on!” Dung i diompaskon setan i ma bayo i di jolo ni halahi sude, dung i ruar ma ia sian bayo i. Nada jabat mahua bayo i nian.

LUKAS 8:29

Umbaen na nidok ni bayo i pe songon i, hara ni na dung dipaorot Jesus do tondi na jahat i ruar sian ia. Bahat sajo tondi na jahat i na manggosa-gosa bayo i. Jadi haru dirante pe tangannia dohot patna i jana dijagoi dope ia, laing tarruntaskon ia do rante i gabe dioban setan i ma ia tu halongonan.

LUKAS 9:38

Adong ma sian tonga-tonga ni halak na bahat i sada bayo na marsurahi, mandok, “O Guru, tolong ma jolo ligi dakdanakku, angke hum sasada i do anakku!

LUKAS 9:40

Madung nian hupangido anso diusir anak siseanMi begu i, tapi nada tolap halahi.”

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

HALUMBAAN 9:11

Adong do rajana na mamarenta halahi, jana rajana i ma na martanggung jawab taringot tu rura hamatean i. Si Abadon ma goarna di hata Ibrani; jana hata Junani didok Apolion (astuanna “Panyego-nyego”).