LUKAS 9:29 - BIBEL JAMITA NA DENGGAN

²⁹ Dompak na martangiang Jesus disi muba ma tompaNia jana pakeanNia gabe bontar marsinondang.

LUKAS 9:29 Iomraidhean Croise

JESAYA 33:17

Ligionmu ma raja na sangap i, dohot luat na mabidang mansai dao.

JESAYA 53:2

Songon tumbur do ia tubu di adopan ni Tuhan, jana songon tunas sian tano na mahiang. Nada adong hajegesonna jana nada adong hasangapanna, na mambaen hita mangaligi tusia: Nada adong tompana, na mambaen hita marpor ni roha.

MATEUS 17:2

Gabe muba ma tompa ni Jesus di jolo ni halahi: Gabe torang songon mataniari bohiNia i. PakeanNia pe gabe marsinondang songon hatorangan.

MARKUS 16:12

Dung i dipataridahon Jesus ma diriNia tu anak siseanNia dua halak di bagasan pangalaho na asing. I ma na tarjadi dompak mardalan halahi na dua tu sada huta.

LUKAS 3:21

Dung dipandidihon sudena halahi, dipandidihon muse ma Jesus. Jadi hatiha martangiang Ia, mungkap ma langit,

LUKAS 5:16

Dung i kehe ma Jesus tu inganan na buni giot martangiang.

LUKAS 6:12

Jadi manangkok ma Jesus hatiha i tu sada dolok laho martangiang. Martangiang ma Ia saborngin i tu Debata.

LUKAS 9:18

Di sada ari hatiha martangiang Jesus sada Ia, ro ma angka siseanNia mandapotkon Ia. Disapai Jesus ma tu halahi, “Ise dehe Au, didok halak?” ning Ia.

LUKAS 9:30

Ompot ma tarida dua halak mangkatai dohot Jesus, i ma si Musa dohot si Elia.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

BAENON NI ANGKA RASUL 6:15

Marsiligi ma sude halak na disi i tu si Stefanus. Jana tarida ma disi bohi ni si Stefanus songon bohi ni surusuruan.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.