LUKAS 9:20 - BIBEL JAMITA NA DENGGAN

²⁰ “Muda pandokmunu ise ma Au?” ning Jesus manyapai. Dialusi si Petrus ma, “Ho do Kristus i na sian Debata!”

LUKAS 9:20 Iomraidhean Croise

MATEUS 22:42

“Bia do mangihutkon pandapotmunu taringot tu Kristus i? Pomparan ni ise ma Ia?” “Pomparan ni si Daud,” ninna halahi.

MATEUS 26:63

Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”

MATEUS 5:47

Muda hum donganmunu do dijalang hamu, aha ma pola surungmunu disi?

MARKUS 14:61

Sip sajo Jesus. Sandok inda dialusi Ia. Dung i disapai Malim Godang i ma tuSia sanoli nari, “Tutu dehe Ho Kristus Anak Ni Na Tarpuji i?”

MARKUS 8:29

“Tapi mangihutkon pandapotmunu sandiri, tarbia do antong?” ninna Jesus manyapai. “Ise do Au mangihutkon pandokmunu?” Dialusi si Petrus ma, “Kristus do Ho!”

LUKAS 22:67

Ninna halahi ma, “Paboa ma tu hami, sanga na Ho do Kristus i?” Dialusi Jesus ma, “Muda Au do paboahon tu hamu, bagi na bia pe so na ra hamu porsaya.

LUKAS 9:19

Dialusi halahi ma, “Si Johannes Pandidi do Ho. Tapi adong muse do na mandok, si Elia do Ho. Laing adong muse dope na mandok, sahalak sian angka panurirang narobi na mulak mangolu do Ho.”

JOHANNES 1:41

Manigor diompoti si Andreas ma manjalahi si Simon angkangna i jana didok ia ma tu si Simon, “Madung marsuo hami dohot Mesias i!” (Mesias astuanna Kristus.)

JOHANNES 1:49

Didok si Natanael ma, “Rabbi, Anak Ni Debata do Ho! Ho do Raja ni halak Israel!”

JOHANNES 11:27

Dialusi si Marta ma, “Olo Tuhan, porsaya do au Kristus i do Ho, Anak Ni Debata na ro tu portibi on.”

JOHANNES 20:31

Umbaen na nisurat pe sudena na tarsurat di bagasan buku on, anso porsaya do hamu bahaso Jesus do Kristus i, i ma Anak Ni Debata; jana anso dapotan hangoluan hamu markite-hite haporsayaan di goarNia.

JOHANNES 4:29

“Beta ma taligi halak na paboahon tu au sasudena na dung hubaen. Ia dehe Kristus i?”

JOHANNES 4:42

Didok halahi ma tu anak boru i, “Saonnari madung porsaya hami, nada hara ni angka na nipaboami be tu hami, tapi hara ni na dung hami bege sandiri sian Ia, jana madung hami boto tutu do Ia Sipalua ni portibi on.”

JOHANNES 7:41

Adong muse na asing na mandok, “On ma Kristus i!” Tapi laing adong muse do na mandok, “Dia ma he sian Galilea haroro ni Kristus i.

BAENON NI ANGKA RASUL 17:3

Dipatorang ia ma tu halahi jana dipatangkas ia markite-hite ayat ni Buku Na Badia i bahaso na porlu do manaon parkancitan Kristus na nijanjihon ni Debata i jana mulak mangolu sian hamatean. “Jesus na hupaboa i tu hamu, i ma da ibana Kristus i,” ning si Paulus.

BAENON NI ANGKA RASUL 8:36

Di tonga dalan i lalu ma halahi tu sada inganan na adong aek disi. Didok parpangkat i ma, “Ligi pe da, adong do aek indi! Aha dope na hurang anso tardidi au?” [

BAENON NI ANGKA RASUL 9:22

Tapi mur tamba do sahala ni si Saulus. Homang do roha ni angka halak Jahudi na di Damaskus hara ni na nipapatarnia bahaso Jesus do Kristus i.

1 JOHANNES 5:1

Barang ise na porsaya bahaso Jesus do Kristus i, i do na sorang sian Debata, bope barang ise na mangkaholongi Ia na manyorangkon, dihaholongi ia muse do na sorang sian Ia.