LUKAS 9:19 - BIBEL JAMITA NA DENGGAN

¹⁹ Dialusi halahi ma, “Si Johannes Pandidi do Ho. Tapi adong muse do na mandok, si Elia do Ho. Laing adong muse dope na mandok, sahalak sian angka panurirang narobi na mulak mangolu do Ho.”

LUKAS 9:19 Iomraidhean Croise

MALEAKI 4:5

Ligi ma suruonKu ma tu hamu Panurirang Elia, patujolo ni ari ni Tuhan Na Markuaso jana na godang i.

MATEUS 14:2

Didokkon ia ma tu angka pagawenia i, “Pasti na dung mulak mangolu do si Johannes on! I do umbaen na adong hagogoon na songon i diSia.”

MATEUS 3:1

Dompahi, tarida ma si Johannes Pandidi di halongonan na di tano Juda. Disi ma ia mamungka marjamita.

MARKUS 6:14

Lalu do angka barita na songon i tu Raja Herodes. Harana ma tarbonggal do goar ni Jesus sanga na di dia. Adong halak na mandok, “Madung mulak mangolu si Johannes Pandidi sian na mate. I do umbaen na margogo Ia mambaen angka tanda hahomangan i.”

MARKUS 6:15

Tapi angka na asing mandok si Elia do Ia, deba nari mandok, “Panurirang do Ia, sarupa dohot angka panurirang narobi.”

LUKAS 9:18

Di sada ari hatiha martangiang Jesus sada Ia, ro ma angka siseanNia mandapotkon Ia. Disapai Jesus ma tu halahi, “Ise dehe Au, didok halak?” ning Ia.

LUKAS 9:20

“Muda pandokmunu ise ma Au?” ning Jesus manyapai. Dialusi si Petrus ma, “Ho do Kristus i na sian Debata!”

JOHANNES 1:21

“Anggo songon i, ise dehe ho satutuna?” ninna halahi manyapai. “Sanga si Elia dehe ho?” “Nada,” ning si Johannes mangalusi. “Betak na ho do panurirang na indohan?” ning halahi manyapai. “Nada,” ning ia.

JOHANNES 1:25

Disapai halahi ma tu si Johannes, “Anggo so ho do Kristus i, nada si Elia ho, nada panurirang na indohan muse ho, biasi dipandidihon ho halak?”

JOHANNES 7:40

Bahat do halak na manangihon sanga aha na nidok ni Jesus. Jadi adong do sian halahi na mandok, “Na tutu do Ia panurirang!”

JOHANNES 9:17

Jadi hara ni i disapai halak Parise i ma sanoli nari tu bayo i, “Didok ho nangkin, Ia do na mambaen marnida matamu, antong bia do pandapotmu taringot tuSia?” “Panurirang do Ia!” ning ia mangalusi.