LUKAS 9:1 - BIBEL JAMITA NA DENGGAN

¹ Dipiohon Jesus ma siseanNia sidua bolas halak i marlagut. Dilehen Ia ma gogo dohot kuaso tu halahi giot mangusir tondi na jahat dohot pamalum nyae.

LUKAS 9:1 Iomraidhean Croise

MATEUS 16:19

LehenonKu ma di ho kunci ni Harajaan Ni Banua Ginjang. Sanga aha na nilarangmu di ginjang tano on laing larangon ma i lopus tu banua ginjang. Sanga aha na nidokmu tigor di ginjang tano on, laing na tigor ma i lalu tu banua ginjang.”

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

MATEUS 8:9

Harana au pe, angkon oloanku do hata ni kapalangku. Ditoru ni pangkatku pe adong do angka tentara, angkon oloan ni halahi do na hudok. Muda hudok tu na sada, ‘Kehe ho!’, kehe do ia. Husuru na asing, ‘Ro tuson!’ ro do ia. Huparenta do naposongku, ‘Songon on baen!’ dibaen ia do i.”

LUKAS 10:1

Dung i dipili Jesus ma muse pitu pulu halak nari. Disuru Ia ma halahi mardua-dua halak manjoloi Ia tu sude kota dohot inganan na giot topotonNia.

LUKAS 10:19

Ingot hamu ma! Madung dijagit hamu kuaso sian Au laho mandegei ulok dohot hala, songon i muse kuaso laho manaluhon sude kuaso ni musu. Jana umpe sada na tarbaen mangkahua hamu.

JOHANNES 14:12

Hudok ma tu ho: Satutuna sanga ise na porsaya tu Au, tarbaen ia ma mangkarejohon angka karejo songon na Hupambaeni i, salang na gumodang sian i pe tarbaensa – angke na kehe mandapotkon Ama i do Au.

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 3:16

Haporsayaan di goar ni Jesus madung mangalehen gogo tu jolma na niligi jana na nitandamunu on; jana haporsayaan i ma na mangalehen hamalumon tu bayo on di adopanmunu sudena.

BAENON NI ANGKA RASUL 4:30

Pahortang ma tanganMu mambaen hamalumon, jana baen ma angka tanda hahomangan markite-hite goar ni Jesus, NaposoMu Na Badia i.”

BAENON NI ANGKA RASUL 9:34

Didok si Petrus ma tu bayo i, “Jesus Kristus do pamalumkon ho, Eneas! Jongjong ma ho, hobasi ma podomanmi,” ning ia. Di na santongkin i manigor jongjong ma si Eneas.