LUKAS 8:6 - BIBEL JAMITA NA DENGGAN

⁶ Adong muse ma na madabu tu tano na marbatu-batu. Di na mamungka haruar tumburna manigor malos ma suan-suanan i, angke mahiang do tanona i.

LUKAS 8:6 Iomraidhean Croise

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

JEHESKIEL 11:19

LehenonKu ma tu halahi roha na imbaru dohot taroktok na imbaru. BuatonKu ma roha ni halahi na songon pir ni batu i jana gontionKu dohot roha na marpangoloion tu Au.

JEHESKIEL 36:26

Jadi Hulehen ma roha na imbaru dohot pikiran na imbaru gontionKu ma rohamunu na pir songon batu, jana lehenon roha pangoloion.

AMOS 6:12

Tarbaen kudo ma he marlojong di dolok batu? Unjung ma he mambajak halak di laut mamake lombu? Hape anggo hamu dipabalik-balik hamu do hatigoran lopus gabe rasun na mamatehon.

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

LUKAS 8:5

Ning Ia ma, “Adong ma sada halak, na kehe manyabur same. Jadi hatiha na manyabur i ia, adong ma same i na madabu di dalan i, gabe didege-dege halak ma i jana dipapangani unggas.

LUKAS 8:7

Adong muse ma same i na madabu tu tonga-tonga ni angka duri. Mur magodang ma angka duri i rap dohot angka same na tubu i.

IBRANI 3:15

On ma na tarsurat di Buku Na Badia i, “Muda dibege hamu sadari on sora ni Debata, ulang ma pajogal hamu rohamunu, songon jogal ni roha ni ompungmunu i di na mangalo halahi tu Debata.”