LUKAS 8:52 - BIBEL JAMITA NA DENGGAN

⁵² Martangisan ma sude halak jana marsak be rohana hara ni parmate ni dakdanak i. Mandok hata ma Jesus, “Ulang hamu tangis. Inda na mate dakdanak on. Hum na modom do i!”

LUKAS 8:52 Iomraidhean Croise

PAMUNGKAAN 23:2

Di Hebron na di tano Kanaan do marujung ngolunia, jana diandungi si Abraham ma hamamatenia i.

2 SAMUEL 18:33

Umbege i, marsak sajo ma roha ni raja i, lalu manaek ma ia tu inganan na di ginjang ni pintu horbangan i tangis jana mangandungi ma ia, “Oi anakki! Anakku si Absalom i! Si Absalom anakki! Gumonan do au mate manggontihon anakki! Si Absalom anakki!”

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MATEUS 11:17

‘Madung martulila hami di hamu, tapi nada ra hamu manortor! Madung mangandungi hami, hape nada ra tangis hamu!’

LUKAS 23:27

Laing bahat do halak na mangudurkon Jesus, adong ma i deba angka dadaboru. Ditangisi jana diandungi angka dadaboru i ma Jesus.

LUKAS 23:48

Angka halak na marroan i pe tusi laho marnida na masa i, laing diida halahi do sude na tarjadi i. Gabe marsak sajo ma halahi sude di na marmulahan tu bagasna be.

LUKAS 8:51

Dung lalu Jesus tu bagas ni si Jairus, nada dipatola Jesus umpe sahalak masuk rap dohot Ia; hum si Petrus, si Johannes, si Jakobus dohot natoras ni dakdanak i sajo ma na dipaloas masuk.

LUKAS 8:53

Gabe dipartatai halahi ma Jesus, angke tangkas do diboto halahi na dung mate dakdanak i.

JOHANNES 11:4

Dung dibege Jesus barita i didok Ia ma, “Nada pola mate ia baenon ni nyae i. Anso marsangap do Debata umbaen na marnyae si Lasarus; anso laing dohot muse ma dipasangap Anak Ni Debata.”