LUKAS 8:51 - BIBEL JAMITA NA DENGGAN

⁵¹ Dung lalu Jesus tu bagas ni si Jairus, nada dipatola Jesus umpe sahalak masuk rap dohot Ia; hum si Petrus, si Johannes, si Jakobus dohot natoras ni dakdanak i sajo ma na dipaloas masuk.

LUKAS 8:51 Iomraidhean Croise

2 RAJA-RAJA 4:33

Ditutup si Elisa ma pintuna i, martangiang ma ia tu Tuhan.

JESAYA 42:2

Nada ra ia marsurak sanga pio-pio marsora na gogo, nada habegean sorania di tonga dalan.

MARKUS 14:33

Dung i dipiohon Jesus ma si Petrus, si Jakobus dohot si Johannes kehe rap dohot Ia. Mamungka ma digohi biar dohot gamang rohaNia.

LUKAS 6:14

Si Simon (na nigoarannia muse si Petrus), dohot si Andreas anggi ni si Simon; si Jakobus dohot si Johannes, si Pilipus dohot si Bartolomeus,

LUKAS 8:50

Dibege Jesus do na nidok ni bayo i. Gabe didok Jesus ma tu si Jairus, “Ulang ho mabiar, salaku porsaya sajo ma ho, malum do dakdanakmi.”

LUKAS 8:52

Martangisan ma sude halak jana marsak be rohana hara ni parmate ni dakdanak i. Mandok hata ma Jesus, “Ulang hamu tangis. Inda na mate dakdanak on. Hum na modom do i!”

LUKAS 9:28

Dung adong tar sapoken dung diajarkon Jesus taringot tusi, dioban Ia ma si Petrus, si Johannes dohot si Jakobus tu ginjang ni sada dolok laho martangiang.

BAENON NI ANGKA RASUL 9:40

Disuru si Petrus ma halahi sude anso haruar, jana singgang ma ia martangiang. Dung i dipaadop ia ma tu bangke ni si Dorkas jana didok ia ma, “Tabita, ngot ma ho!” Jadi dipabolnang ia ma matania jana dung diida ia si Petrus, juguk ma ia.