LUKAS 8:48 - BIBEL JAMITA NA DENGGAN

⁴⁸ Didok Jesus ma tusia, “Madung dipamalum haporsayaanmi ho da inang. Kehe ma ho, dibagasan sonang!”

LUKAS 8:48 Iomraidhean Croise

2 RAJA-RAJA 5:19

Ning si Elisa ma, “Horas ma ho di na mulak.” Jadi kehe ma si Naaman. Nada sadia honok dung kehe si Naaman,

HARURUAR 4:18

Mulak ma si Musa tu bagas ni si Jetro tulangna i, ning ia ma, “Paloas hamu ma mulak au tu Mesir laho mangaligi angka kahanggingku sanga na mangolu dope halahi.” Dioloi si Jetro do i jana dipaloas ia kehe si Musa.

MATEUS 12:20

Nada diponggolkon Ia arong na gale-gale i, nada intopanNia sumbu na medep-edep. Angkon gogohononNia do lopus jongjong hatigoran,

MATEUS 8:13

Dung i didok Jesus ma tu tentara na pangkat i, “Mulak ma ho, sanga aha na ni haporsayaanmi, tulus ma i.” Santongkin i, manigor malum ma nyae ni naposonia i.

MATEUS 9:2

Jadi ro ma halak maroban sada bayo na onyangon payak di podomanna. Di na niida ni Jesus godang ni haporsayaan ni halahi, ning Ia ma tu na onyangon i, “Papos ma rohamu, amang! Madung nisesa dosamu.”

MATEUS 9:22

Tapi manaili ma Jesus tu pudi, diida Ia ma anak boru i. Didok Ia ma, “Pos ma rohamu inang! Madung dipalua haporsayaanmi ho!” Santongkin i manigor malum ma nyae ni anak boru i.

MARKUS 5:34

Gabe didok Jesus ma tu anak boru i, “Ale anakKu, haporsayaanmi do na paluahon ho. Kehe ma ho di bagasan hahorasan, jana malum ma dihilala ho!”

LUKAS 17:19

Dung i didok Jesus ma tu bayo i, “Jongjong ma ho, jana mulak ma ho. Haporsayaanmu do na palua ho.”

LUKAS 18:42

Didok Jesus ma tusia, “Marnida ma ho! Madung dipamalum haporsayaanmi ho.”

LUKAS 7:50

Tapi didok Jesus ma tu dadaboru i, “Haporsayaanmu do na paluahon ho, kehe ma ho di bagasan hahorasan!”

LUKAS 8:47

Diboto anak boru i ma na dung tarboto pangalahonia i. Jadi ro ma ia tu jolo ni Jesus hitir-hitir marsomba. Dipaboa ia ma di jolo ni halahi sude sanga hara ni aha umbaen dijama ia Jesus, dohot nyaenia sanga tarbia parmalumna manigor santongkin i.

BAENON NI ANGKA RASUL 14:9

Juguk ma bayo i disi manangi-nangihon si Paulus na mandok hata i. Diida si Paulus porsaya do bayo i, jadi tarpamalum do ia. Jadi ditatap si Paulus ma tusia,

2 KORINTUS 6:18

Au ma gabe Ama di hamu, jana gabe anak dohot boru ma hamu di Au, ninna Tuhan Na Markuaso i.”

IBRANI 4:2

Harana madung dipaboa tu hita Jamita Na Denggan i laing songon na tu halahi. Hape anggo di halahi nada marguna jamita i. Angke di na nibege ni halahi jamita i, nada dijagit halahi i mardongan haporsayaan tu Debata.

1 SAMUEL 1:17

Dung i ninna si Eli ma, “Antong anggo songon i do, mulak ma ho dibagasan sonang. Sai dipatulus Debata ni Israel ma nian pangidoanmi.”