LUKAS 8:44 - BIBEL JAMITA NA DENGGAN

⁴⁴ Disolat anak boru i ma sian tonga-tonga ni halak na bahat i lopus lalu ia tu pudi ni Jesus. Jadi dijama ia ma topi ni baju juba ni Jesus. Ompot ma pantan bulanan ni anak boru i.

LUKAS 8:44 Iomraidhean Croise

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MATEUS 20:34

Ibo ma roha ni Jesus mida halahi, gabe dijama Ia ma mata ni halahi i. Manigor marnida ma halahi. Halahi pe antong dohot ma mangihutkon Jesus.

MATEUS 8:3

Disurduhon Jesus ma tanganNia laho manjama bayo i. Didok Jesus ma tusia, “Ra do Au, malum ma ho!” Santongkin i mago ma nyaena i jana manigor malum.

MATEUS 9:20

Jadi laing ihut muse ma manigor sada anak boru na marnyae dua bolas taon sai ro pantang ni bulanna. Dipadonok ia ma tu Jesus laho manjama ujung ni baju juba ni Jesus.

MARKUS 6:56

Sanga na tu dia pe Ia kehe, tu angka kota, angka huta, sai marroan do halak marobani angka na marnyae. Gomos ma dipangido halahi anso dipatola Ia angka na marnyae i, hum manjama rambu ni baju ni Jesus. Jadi sude na manjama i, malum do.

LUKAS 13:13

Dung i dipayakkon Jesus ma tanganNia tu anak boru i, jana laing di na santongkin i manigor tigor ma pamatang ni anak boru i, jana dipuji-puji ia ma Debata.

LUKAS 7:38

Jongjong ma ia di pudi ni Jesus di lambung patNa i, tangis ma ia disi, ditombur ia ma pat ni Jesus dohot ilunia, asa diapusi ia ma i dohot obukna, dung i diumma ia ma i jana diusehon ia ma miak na huskus i.

LUKAS 8:43

Adong ma disi sahalak anak boru na sai ro bulanna ma jabat dua bolas taon. Madung abis sinadongannia dipake ia manggarari pangubati hape nada adong na tolapsa pamalumkon ia.

LUKAS 8:45

Dung i didokkon Jesus ma, “Ise dehe, na manjama Au i?” Dung sude halak mansoadahon, ninna si Petrus ma, “Guru, bahat do halak mangarongomi jana marsisosak be tu Guru i!”

JOHANNES 5:13

Tapi hape na so ditanda bayo na malum i dope sanga ise halakna, hara ni bahat ni jolma disi. Jesus pe nada haidaan be di tonga-tonga ni halak na bahat i jana madung kehe Ia sian inganan i.

BAENON NI ANGKA RASUL 19:12

Hum sapu tangan pe sanga abit pangalilit ni gonting na jungada dipake si Paulus diboan tu angka halak na marnyae, manigor malum ma i jana angka tondi na jahat pe marmorotan ma sian halahi.

BAENON NI ANGKA RASUL 5:15

Jana diparobani halak i do angka na marnyae, dibaen ma halahi di podoman sanga di lage, jana dioban ma halahi tu dalan, anso dais nada apala halinu ni si Petrus tu halahi muda mamolus si Petrus disi.

PANGARATAION 22:12

Baen hamu ma rambu-rambu ni pakeanmunu di ujungna na opat i.”