LUKAS 8:43 - BIBEL JAMITA NA DENGGAN

⁴³ Adong ma disi sahalak anak boru na sai ro bulanna ma jabat dua bolas taon. Madung abis sinadongannia dipake ia manggarari pangubati hape nada adong na tolapsa pamalumkon ia.

LUKAS 8:43 Iomraidhean Croise

2 JUJUR TAON 16:12

Di taon patolupulusambilankon ia mamarenta, hancit ma ia marnyae di patnia dua-duana. Haru songon i laing nada manjalahi pangurupion ia tu Tuhan, tapi tu pangubati do.

JOB 13:4

Dibaen ditutupi ho do otomu dohot gabus, nada adong imbarna songon angka datu pargabus.

MASMUR 108:12

Urupi ma hami maradopkon alonami, angke nada marguna anggo sian jolma pangurupi.

JESAYA 2:22

Antong, ulang be da mararop roha hamu tu jolma na pasti mate, harana nada mararga i.

MARKUS 12:44

Angke sian halobian ni halahi do na dilehen i, tapi anggo na mabalu i, sian hahuranganna do, sude na adong disia, i ma na porlu tu hangoluannia.”

MARKUS 9:18

Muda hatiha manombo dibaen setan i, dipartombomkon ma songon i pamatangna i tu tano i. Margubo-gubo ma pamanganna i, patutaktak ma iponnia i gabe jogal ma sude pamatangna i. Hupangidohon do nian anso dipaorot angka anak siseanMon setan i, tapi inda tarpaorot halahi.”

LUKAS 13:11

Adong ma disi sada dadaboru na jabat salapan bolas taon honokna marnyae hara ni tondi na jahat ro tusia. Puhung noma pamatangna i jana nada tarbaen ia be tigor jongjong.

LUKAS 13:16

Antong, saonnari dison adong sada halak anak boru pinompar ni si Abraham, na dung pola salapan bolas taon honokna dirahuti Sibolis i. Na so tola dehe ia dipalua sian ihot-ihotnia di Ari Sabat?”

LUKAS 8:27

Dung mijur Jesus tu darat, didapotkon sada bayo na hona tondi na jahat ma Ia. Na ro sian kota i do bayo i. Honok ma nada ra marpakean jana nada ra tinggal di bagas bayo i. Hum na di liang ni kuburan ma ia.

LUKAS 8:42

dibaen giot mate ne ma borunia na dung marumur dua bolas taon. Hum sada i muse do borunia. Tapi di na mardalan Jesus laho tu bagas ni si Jairus, marsisosak di ibana ma halak tuSia.

LUKAS 8:44

Disolat anak boru i ma sian tonga-tonga ni halak na bahat i lopus lalu ia tu pudi ni Jesus. Jadi dijama ia ma topi ni baju juba ni Jesus. Ompot ma pantan bulanan ni anak boru i.

JOHANNES 9:1

Di na mamolus Jesus, diida Ia ma sada halak na so marnida, na mapitung mamungka sian hatutubuna.

JOHANNES 9:21

Tapi anggo taringot tu na gabe marnida ia saonnari, sanga tarbia dalan ni i nada hami boto. Jana sanga ise na mambaen gabe marnida matania i, i pe nada hami boto. Tusia ma sapai hamu. Madung tuk umurnia; madung tola ia mangalusi sandiri.”

BAENON NI ANGKA RASUL 3:2

Di pintu na margoar “Pintu Na Jeges”, adong ma sada bayo na pangpang hian sian mulai sorang. Ganop ari do bayo on dioban halak tusi mangido-ido sidoka tu angka jolma na marroan tu Bagas Ni Debata.

BAENON NI ANGKA RASUL 4:22

Boti pe hara ni bayo na manjagit hamalumon na so jungada masa i, na dung marumur lobi opat pulu taon.