LUKAS 8:42 - BIBEL JAMITA NA DENGGAN

⁴² dibaen giot mate ne ma borunia na dung marumur dua bolas taon. Hum sada i muse do borunia. Tapi di na mardalan Jesus laho tu bagas ni si Jairus, marsisosak di ibana ma halak tuSia.

LUKAS 8:42 Iomraidhean Croise

JOB 4:20

Mangolu ma i di manyogotna, mate marampar ma i andospotangna.

PARJAMITA 6:12

Bia do pamboto ni jolma sanga aha na dumenggan disia di bagasan ngoluna na pendek jana na so marguna, jana na salpu songon halinu? Bia do baenon ni jolma mangastui sanga aha na giot masa di tano on dung so adong be ia?

JEHESKIEL 24:16

“Ale jolma parsantongkinan di sada hatiha buatonKu ma jolma hasudungan ni rohamu. Tapi nada tola mangandung sanga tangis ho, sanga pe padiarkon marabur ilumu.

JEHESKIEL 24:25

Didok Tuhan ma tu au, “Antong, ale jolma parsantongkinan, buatonKu noma sian halahi bagasKu na tohong i, na gabe hagodangan dohot hasonangan ni roha ni halahi jana na nitatap bope na nidapotkon ni halahi di bagasan jop ni roha. Laing buatonKu muse ma angka dakdanak ni halahi.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MARKUS 5:24

Kehe ma Jesus rap dohot si Jairus. Na bahatan halak mangihutkon Ia jabat hona sosak Ia dibaen halahi.

LUKAS 7:12

Di na lalu Jesus di horbangan ni kota i, adong ma halak na maroban sada na mate tu balian. Anak sasada ni na mabalu do na jumolo i. Bahat do marroan halak kota i mangudurkon ina na mabalu i.

LUKAS 8:41

Dung i ro ma sahalak kapala ni bagas paribadatan di kota i, si Jairus goarna. Marsomba ma ia di jolo ni Jesus jana dipangido ia ma gomos tu Jesus anso ro nian Jesus tu bagasnia,

LUKAS 8:43

Adong ma disi sahalak anak boru na sai ro bulanna ma jabat dua bolas taon. Madung abis sinadongannia dipake ia manggarari pangubati hape nada adong na tolapsa pamalumkon ia.

LUKAS 8:45

Dung i didokkon Jesus ma, “Ise dehe, na manjama Au i?” Dung sude halak mansoadahon, ninna si Petrus ma, “Guru, bahat do halak mangarongomi jana marsisosak be tu Guru i!”

SURAT NI SI PAULUS TU PARLAGUTAN ROM 5:12

Hara ni sada halak do dosa i masuk tu portibi on, jana hara ni dosa i ro muse ma hamatean. Jadi gabe lalu ma hamatean i mangalangkoti tu sasudena jolma manusia, harana madung mardosa sudena.