LUKAS 8:40 - BIBEL JAMITA NA DENGGAN

⁴⁰ Jadi dung mulak Jesus bahat do halak mangalo-alo Ia, dibaen madung tarpainte-inte halahi diSia.

LUKAS 8:40 Iomraidhean Croise

PODA 8:34

Martua ma sanga ise na manangihon au, na juguk ganop ari paintehon di pintu ni bagasku.

MATEUS 9:1

Marparau ma Jesus laho manaripari dano i, giot mulak tu hutaNia.

MARKUS 12:37

Si Daud sandiri mamiohon Ia ‘Tuanku’: Jadi tarbia ma parjadina gabe pomparan ni si Daud muse Ia?” Tabo dihilala halak na marroan i tu Bagas Ni Debata umbege Jesus na mangajar i.

MARKUS 5:21

Mangulahi ma Jesus manaripari dano i. Dung di topi dano i, bahat ma halak mangarongomi Jesus.

MARKUS 6:20

Anggo si Herodes disuruhon ia do anso denggan dijagoi ngolu ni si Johannes. Harana, mabiar do ia mida si Johannes. Angke diboto ia na tigor do si Johannes on, i ma suruan ni Debata. Tutu do nian, muda mangkobari si Johannes, sai tabo do dihilala si Herodes manangihon haru pe gabe marhusari sajo rohania hara ni i.

LUKAS 19:48

Tapi nada dapot halahi sanga songon dia pambaenna, angke sude rayat tuSia do rohana jana por do rohana manangihon Ia.

LUKAS 19:6

Diompoti si Zakeus ma mijur, jop ma rohania manjagit Jesus.

LUKAS 5:1

Di sada hatiha dompak jongjong Jesus di topi ni Dano Genesaret marsosak do bahat halak laho manangihon jamita na sian Debata.

LUKAS 8:39

“Kehe ma ho mulak tu bagasmu jana baritahon ma sanga aha na dung dipatupa ni Debata tu ho.” Jadi kehe ma bayo i paboahon sanga na tudia di kota i sude, taringot tu na nibaen ni Jesus tusia.

JOHANNES 5:35

Songon lampu na gara jana na marsinondang do da anggo si Johannes; jana hamu pe, anggo hum santongkin ra do hamu ditorangi sondang ni lampu i.

BAENON NI ANGKA RASUL 10:33

Hara ni i do umbaen na husuru manigor halak mangalap tuan i. Jana songon i ma burju ni rohamu ro tuson. Saonnari madung lagut hami dison, di adopan ni Debata laho umbege sudena na nitonahon ni Tuhan tu ho.”