LUKAS 8:32 - BIBEL JAMITA NA DENGGAN

³² Donok tu inganan i, adong do babi bahat sajo, na topet mangugei di dolok i. Gomos ma dipangido angka tondi na jahat i anso dipaloas Jesus halahi masuk tu angka babi i. Gabe dipaloas Jesus ma.

LUKAS 8:32 Iomraidhean Croise

1 RAJA-RAJA 22:22

‘Bia ma?’ ninna Tuhan manyapai. Dialusi Tondi i ma, ‘Kehe pe au jana hubaen ma anso sude panurirang ni si Ahab i margabus.’ Didok Tuhan ma, ‘Denggan, baen ma anggo songon i, harana manjadi do i anggo ho manggabusi ia.’ ”

JOB 1:10

Sai dijagohon Ho do antong ia, pangisi ni bagasnia dohot sude sinadongannia. Dipasupasu Ho karejonia jana dilehen Ho disia bahat pahan-pahanan jabat tuk pakeon ni halak saluat.

JOB 1:12

Gabe didok Tuhan ma tu Sibolis, “Antong, baen ma sanga aha tu sasude sinadongan ni si Job, asal ma ulang diparhanciti ho ia!” Bulus kehe ma Sibolis sian jolo ni Tuhan.

JOB 2:6

Jadi didok Tuhan ma tu Sibolis, “Antong, baen sajo ma sanga na aha tusia, asal ma ulang dibunu ho ia.”

MASMUR 62:11

Piga-piga noli ma hubege didok Debata, anggo kuaso na sian Ia do asalna,

JESAYA 65:4

Borngin-borngin kehe halahi tu angka liang dohot kuburan laho mangido sipaingot ni angka sumangot. Mangan juhut babi halahi jana diinumi halahi kua ni juhut sian sipanganon na dipelehon tu angka debata.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

HAMALIMON 11:7

Babi nada tola panganon. Na haram do i etongon, angke haru pe marbola tambirikna, anggo babi nada mangalngei.

MATEUS 7:6

Ulang lehen hamu barang na badia tu anjing. Harana muda dilehen hamu i, marbalik ma anjing i laho manyarbut hamu. Dung i ulang lehen hamu berlian tu babi, angke dilonca-lonca babi i sajo do i.”

LUKAS 8:31

Gomos ma dipangido angka tondi na jahat i, anso ulang dipaisir Jesus halahi tu banua toru.

LUKAS 8:33

Dung i ruar ma angka tondi na jahat i sian bayo i, masuk ma halahi tu angka babi i. Maturubus ma angka babi i sian rahis-rahis i tu dano an, gabe mate marmogapan sudena.

JOHANNES 19:11

Dialusi Jesus ma, “Anggo na so dilehen Debata do kuaso di ho, nada adong kuasomu tu Au. Hara ni i gumodang do dosa ni na pasahatkon Au tu ho ulang pado ho.”

1 JOHANNES 4:4

Tapi ale dakdanakku, anggo hamu dakdanak ni Debata do. Madung ditaluhon hamu angka panurirang pargabus i, angke gumogoan dope Tondi na adong di hamu sian tondi na adong di angka jolma na ro sian portibi on.

HALUMBAAN 20:7

Dung salpu hatiha sisaribu taon i, paluaon ma Sibolis i sian hurunganna i,