LUKAS 8:25 - BIBEL JAMITA NA DENGGAN

²⁵ Dung i ninna Jesus ma tu angka siseanNia i, “Di dia do haporsayaanmunu?” Mabiar ma halahi boti homang-homang sajo. Didok halahi ma sama halahi, “Ise do ulaning on? Alogo dohot ombak pe tarparenta Ia. Patu muse do alogo dohot ombak i tuSia!”

LUKAS 8:25 Iomraidhean Croise

PODA 30:4

Jolma dia ma he na umboto pangalaho ni banua ginjang? Unjung ma he dipohul ia di tanganna alogo, jana disaputi ia aek di bagasan bajuna, sanga manontuhon batas ni alam on sudena? Ise he ia jana ise anaknia? Pasti diboto ho do i?

PODA 8:29

di na niparentahonNa galumbang ni laut anso ulang salpu di angka batasna. Au pe dohot do disi di na mamayakkon ojahan ni portibi.

MATEUS 14:31

Jadi manigor disurduhon Jesus ma tanganNia manangkup si Petrus. Dung i ninna Jesus ma, “Na hurang porsaya do ho, Petrus. Biasi pola ganggu rohamu?”

MATEUS 17:20

Dialusi Jesus ma, “Angke hurang porsaya hamu. Ingot hamu ma! Sugari sagodang ni batu ni sabi pe adong haporsayaanmunu, tardok hamu do tu dolok on, ‘Morot ma ho sian on tu sadu!’ angkon pinda do dolok i. Jana nada adong sanga aha pe na so tarpatupa hamu! [

MATEUS 6:30

Songon i ma jegesna dihobasi Debata angka duhut na di padang-padang i, i ma na tubu sadari on, tapi ancogot ambungkononkon ma i, dung i nitutung. Muda dihobasi Debata do ruput i songon i, mur ma hamu! Tapi, magaletu do haporsayaanmunu!

MATEUS 8:10

Dung dibege Jesus hata ni tentara na pangkat i, homang ma rohaNia. Gabe didok Ia ma tu halahi na mangihutkon Ia, “Tangihon hamu ma jolo! Nada unjung dope Au marsuo dohot haporsayaan na songon on godangna di tonga-tonga ni halak Israel.

MATEUS 8:26

Ninna Jesus ma tu halahi, “Ale hamu na menek haporsayaan, biasi he mabiar hamu?” Dung i jongjong ma Jesus manyonggak alogo dohot ombak i. Gabe so ma manigor alogo i.

MARKUS 4:35

Laing andospotangna i didok Jesus ma tu angka anak siseanNia i, “Beta ma marparau hita tu ipar an.”

LUKAS 12:28

Jadi, muda diabiti Debata do angka duhut na di padang i, na jeges sadari on tapi ancogot diambungkon tu api, tarlumobi ma hamu, ale angka na hurang porsaya!

LUKAS 8:24

Kehe ma angka siseanNia i mandapotkon Jesus mangngoti Ia. Ning halahi ma, “O, Guru! Guru! Marmara ma hita on!” Ngot ma Jesus, digorahon Ia ma alogo dohot aek ni dano na marombak i. Alogo i pe dohot aek ni dano i nada marombak be jana gabe so ma sudena.

LUKAS 8:26

Ditoruskon Jesus ma dohot angka siseanNia i marparau lopus tu Luat Gerasa di ipar ni Dano Galilea sabola Habincaran.

JOHANNES 11:40

Didok Jesus ma tu si Marta, “Na he madung Hudok tu ho: Anggo porsaya ho, idaonmu do hasangapan ni Debata!”