LUKAS 8:22 - BIBEL JAMITA NA DENGGAN

²² Di na sadari marparau ma Jesus dohot angka siseanNia i. Ning Jesus ma tu halahi, “Taripar ma jolo hita tu bariba ni dano on.” Dung i kehe ma halahi marparau.

LUKAS 8:22 Iomraidhean Croise

MATEUS 14:22

Dung i disuru Jesus ma angka anak siseanNia i marparau anso parjolo halahi taripar tu bariba, jana disuru Ia ma halak na bahat i mulak.

MATEUS 8:18

Jadi dung diida Jesus bahat halak humaliang Ia, disuru Ia ma kehe halahi marparau tu ipar ni dano i.

MARKUS 5:21

Mangulahi ma Jesus manaripari dano i. Dung di topi dano i, bahat ma halak mangarongomi Jesus.

MARKUS 6:45

Diompoti Jesus ma marsuru angka anak siseanNia i kehe marparau parjolo sian Ia tu Betsaida na di ipar ni dano i, jana disuru Ia ma halak na bahat i marmulahan.

MARKUS 8:13

Ditinggalkon Ia ma halahi, kehe ma Ia masuk tu parau i, torus manyiborangi dano i.

LUKAS 5:1

Di sada hatiha dompak jongjong Jesus di topi ni Dano Genesaret marsosak do bahat halak laho manangihon jamita na sian Debata.

LUKAS 8:23

Hatiha na marparau i halahi tarpodom ma Jesus, jana mangombus ma alogo na gogo di dano i. Masuk muse ma aek tu bagasan parau i gabe di parmaraan ma halahi sude.

LUKAS 8:33

Dung i ruar ma angka tondi na jahat i sian bayo i, masuk ma halahi tu angka babi i. Maturubus ma angka babi i sian rahis-rahis i tu dano an, gabe mate marmogapan sudena.

JOHANNES 6:1

Dung i kehe ma Jesus mangulahi tu ipar ni Dano Galilea (na nigoaran muse Dano Tiberias).

BAENON NI ANGKA RASUL 27:2

Di Adramitium ma hami manaek kapal, i ma kapal na giot mamolus sian angka kota labuan na di Luat Asia. Adong ma disi sada halak Makedonia na ro sian Tessalonika, na margoar si Aristarkus, rap muse ma hami marlayar dohot ia.