LUKAS 8:2 - BIBEL JAMITA NA DENGGAN

² Songon i muse angka dadaboru na dung dipamalum sian angka tondi na jahat dohot nyae. I ma si Maria na nigoaran muse si Magdalena (pitu begu dipaorot sian ia);

LUKAS 8:2 Iomraidhean Croise

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

MARKUS 16:1

Dung salpu Ari Sabat kehe ma si Maria Magdalena, si Maria inang ni si Jakobus dohot si Salome manobusi ramu-ramuan na huskus silapuhononkon tu bangke ni Jesus.

MARKUS 16:9

Dung mulak mangolu Jesus, di Ari Minggu manyogot disi ma parjolo dipatidahon Ia diriNia tu si Maria Magdalena. (Sian si Maria on ma unjung dipaorot Ia pitu setan.) Kehe ma dadaboru i mandapotkon si Petrus rap dohot angka dongannia i, manigor dipaboa halahi ma bope hum saotik, sude na nipaboa ni doli-doli i tu halahi.

LUKAS 23:27

Laing bahat do halak na mangudurkon Jesus, adong ma i deba angka dadaboru. Ditangisi jana diandungi angka dadaboru i ma Jesus.

LUKAS 23:49

Jana mandao-dao ma sude halahi na mananda Jesus, dohot ma disi angka dadaboru na mangihutkon Ia sian Galilea paida-ida na masa i sudena.

LUKAS 23:55

Diihutkon angka dadaboru na ro rap dohot Jesus sian Galilea i ma si Josep mangaligi kuburan i. Laing diida halahi do sanga tarbia parpayak ni bangke ni Jesus di bagasan kuburan i.

LUKAS 8:30

Disapai Jesus ma tu bayo i, “Ise goarmu?” “ ‘Legion’ do goarku,” ning bayo i – angke bahat do tondi na jahat na masuk tusia.

JOHANNES 19:25

Jongjong ma di lambung ni parsilang ni Jesus i, inangNia, bujingNia, si Maria dadaboru ni si Klopas dohot si Maria Magdalena.

BAENON NI ANGKA RASUL 1:14

satahi saoloan do halahi na marlagut i laho martangiang. Rap martangiang ma halahi dohot angka dadaboru songon i dohot si Maria inang ni Jesus dohot anggi ni Jesus.