LUKAS 8:10 - BIBEL JAMITA NA DENGGAN

¹⁰ Ninna Jesus ma mangalusi, “Madung dilehen anggo di hamu parbinotoan laho umboto sibunian ni Harajaan Ni Debata. Tapi anggo tu halak na asing mamake umpama do dipaboa taringot tusi, anso ulang diida halahi haru pe nian manaili halahi; haru pe marbinege halahi tapi nada mangarti.”

LUKAS 8:10 Iomraidhean Croise

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

JESAYA 29:14

Hara ni i, baenonKu ma parkaro halongangon tu bangso i, halongangon na pahomangkon roha. Gabe maoto ma halak na marroha, jana nada marguna be hamaloan ni halahi.”

JESAYA 44:18

Na santak do oto ni angka jolma na songon i. Na nitutup ni halahi do mata dohot roha ni halahi gabe nada diastui halahi sanga na aha.

JESAYA 6:9

Dung i disuru Ia ma au maroban tona sisongon on tu bangsoNia: “Torus do hamu sai manangihon, tapi nada mangastui. Sai torus do nian hamu mamparrohahon, hape nada diboto hamu sanga aha na masa.

JEREMIA 5:21

“Hamu halak na bodo dohot na so marpikiran tangihon hamu! Adong do matamunu tapi nada marnida, marpinggol do nian tapi nada marbinege!

JEHESKIEL 12:2

“Ale anak ni jolma, di tonga-tonga ni bangso pangalo do ho maringanan. Marmata do halahi, tapi nada marnida; marpinggol do nian tapi nada marbinege, angke sai na mangalo do giot ni halahi.

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

MATEUS 16:17

“Na martua do ho ale Simon anak ni si Junus!” ninna Jesus, “Harana nada jolma be na paboahon pangalaho i tu ho, tapi Damang na di banua ginjang i do.

MARKUS 4:11

Dung i didok Jesus ma tu halahi, “Anggo tu hamu madung dilehen do mangartihon simo-simo ni Harajaan Ni Debata, tapi anggo tu halak na asing sian hamu, markite-hite umpama do i nipaboa.

MARKUS 4:12

Dibaen Debata pe songon i, anso ‘Torus do bolnang halahi mangaligi, tapi umpe diidasa, torus do halahi manangihon, tapi umpe mangarti, angke sugari diida jana diastui halahi gabe ro ma halahi tu Debata dung i gabe ampunan ni Debata ma halahi.’ ”

JOHANNES 12:40

“Hupapitung do mata ni halahi, jana Hupagolap pikiran ni halahi; lopus nada marnida mata ni halahi, jana nada marbuka pikiran ni halahi. Anso ulang mulak halahi tu Au, gabe Hupamalum halahi muse.”

SURAT NI SI PAULUS TU PARLAGUTAN ROM 16:25

Debata do na tarbaen patogu rohamunu mangihutkon Jamita Na Denggan na hujamitahon i, i ma taringot tu Tuhan Jesus Kristus, jana mangihutkon hasimoon na dung dipapatar, dung jolo ditabunihon sian na robi.

1 KORINTUS 12:11

Tondi na sada i sajo do mangkarejohon i sudena; dilehen do hasurungan tu sada-sada be marguru tu giot ni Tondi i sandiri.

PANGARATAION 29:4

Tapi lopus tu sadari on laing nada podo dilehen Ia pangastuion di hamu taringot tu sude na nialamanmunu i.

KOLOSSE 2:2

Sai margogo ma nian roha ni halahi, jana marsihaholongan ma halahi anso gabe solkot halahi mardomu. Muda tutu halahi mangarti gabe maruli pos ni roha situtu ma halahi. Jadi mur tangkas muse ma tandaon ni halahi rahasia ni Debata; i ma Kristus sandiri.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.