LUKAS 7:7 - BIBEL JAMITA NA DENGGAN

⁷ Hara ni i au pe nada tama ro manopotkon Tuan i, tapi hum sahata pe dokkon anso malum naposongki.

LUKAS 7:7 Iomraidhean Croise

MASMUR 107:20

Dipamalum Ia halahi i dohot parentaNia, jana dipalua Ia halahi i sian kuburan.

MASMUR 33:9

Angke mandok hata Ia, gabe tarjadi ma sasudena dibaen Ia parenta, gabe adong ma sasudena.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

MARKUS 1:27

Homang ma roha ni halahi sude jabat marsipandohonan halahi sama halahi, “Aha dehe na masa on? Pangajaran na imbaru do on! Marsahala do Ia jana margogo paorot angka tondi na jahat, jana mangoloi do tuSia!”

LUKAS 4:36

Homang ma halahi sude. Marsipandohonan ma halahi sama halahi, “Marhagogoan do hataNia. Mardongan sahala dohot kuaso, dipaorot Ia angka tondi na jahat i, morot muse do angka tondi i!”

LUKAS 5:13

“Ra do Au: Antong malum ma ho!” ning Jesus manyurduhon tanganNia manjama bayo i. Laing di na santongkin i mago ma manigor panyakit huliton i sian bayo i.

LUKAS 7:6

Jadi kehe ma Jesus rap dohot halahi. Di na marayak lalu Jesus tu bagas i, disuru parpangkat i ma angka dongannia mandapotkon Jesus mandok tuSia, “Ulang pola jabat loja Tuan i! Hurang tama do au dapotkonon ni Tuan i di bagasku.

LUKAS 7:8

Harana au sandiri pe tunduk do tu parenta ni atasan, songon i muse adong do di torungku angka soridadu na tunduk tu parentangku. Muda huparentahon tu sada soridadu, ‘Kehe!’ angkon kehe do: Jana muda hudok tu soridadu na asing, ‘Ro tuson!’ ia pe angkon ro do. Jana muda hudok tu naposongku, ‘Baen on!’ angkon dibaen ia i.”

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

1 SAMUEL 2:6

Tuhan do mamatehon Ia muse do na pangoluhon. Na paijurkon jolma tu tanoman jana mangangkatsa sian i.