LUKAS 7:46 - BIBEL JAMITA NA DENGGAN

⁴⁶ So adong dibaen ho miak tu ulungKu, hape anggo anak boru on miak na huskus do diusehon ia tu patKu.

LUKAS 7:46 Iomraidhean Croise

2 SAMUEL 12:20

Jongjong ma si Daud sian lante i, kehe ma ia maridi lalu disuri ia obuknia, lalu margonti pakean. Dung i kehe ma ia maribadat tu Bagas Ni Tuhan. Dung i kehe ma ia mulak tu bagas godang jana dipangido ia ma diparade panganon disi, jana mangan ma ia.

2 SAMUEL 14:2

jadi gabe disuru alap ia ma sada anakboru na pistar na maringanan di Tekoa. Dung lalu anakboru i, didok si Joab ma tusia, “Angkon baenonmu tarsongon na marsak-marsak ho; pake ma pakean siluluton jana ulang pake miak na huskus. Baen ma songon sada anakboru na dung lolot tangis hara ni parmate ni haholongan ni rohana.

MASMUR 104:15

jana na mangalehen aek ni anggur hasonangan, dohot miak zetun na mambaen tata bohina, maradu panganon na mangalehen hagogoan disia.

MASMUR 23:5

Dipasingkop Ho do pesta di au, laing dipaida-ida angka musungku. Dijaluangi Ho do au songon tamu na sangap. Disurduhon Ho dope tu au inumon na tabo maradu marlobian.

PARJAMITA 9:8

Padiar ma jeges bohimu jana tata.

DANIEL 10:3

Nada hupangan panganon na tabo, juhut dohot anggur nada masuk tu pamanganku jana nada marsuri au lopus gok tolu minggu honokna.

AMOS 6:6

Minum anggur ma hamu sian bokor, jana dipake hamu ma miak na humuskus, hape nada adong arsak ni rohamunu mida hasesego ni Israel.

MIKA 6:15

Disabur hamu gandum, tapi nada buatonmunu suhana. Ditanak hamu miak sian batu ni zetun, tapi nada buatonmunu suhana. Ditanak hamu miak sian batu ni zetun, tapi nada tarpake hamu miakna i. Diporo hamu anggur, hape nada inumonmunu.

MATEUS 6:17

Tapi anggo hamu, muda puaso, paias ma bohimunu, marsuri hamu.

LUKAS 7:47

Hudok ma di ho: Holong ni rohania na songon i godang na nipatuduhonnia, i ma tandana bahaso na dung disesa dosania na bahat i! Muda nisesa dosa ni sada halak jana otik sajo do dosania, laing otik muse do holong ni roha tarpatuduhon ia.”

RUT 3:3

Jadi hara ni i maridi ma ho, pake ma pakeanmu na jegesna i jana baen ma saotik miak wangi. Dung i kehe ma ho tu inganan ni si Boas na mambanting burir-burirna i. Disi ma ho lopus sidung ia mangan dohot minum. Tapi ulang jabat habotoan tusia na disi ho.