LUKAS 7:44 - BIBEL JAMITA NA DENGGAN

⁴⁴ Dung i ditailihon Jesus ma tu dadaboru i, didok Ia ma tu si Simon, “Diida ho dehe anak boru on? Di na ro Au tu bagasmon, umpe adong aek diparade ho parbasuan ni patKu; hape anggo anak boru on madung dibasu ia patKu dohot ilu ni matania, jana dipahiang ia dohot obuknia.

LUKAS 7:44 Iomraidhean Croise

PAMUNGKAAN 18:4

Paloas hamu ma jolo au laho mangalap aek pamasu ni patmunu, jana di toru ni hayu on ma hamu jolo marsilaung maradian.

PAMUNGKAAN 19:2

jana didok ia ma, “Loas hamu ma au mangoloi hamu, tuan. Tu bagasta ma hamu masuk. Adong do parbasuan ni pat di bagasta dohot parbornginan. Ancogot tarbaen hamu do sigop ngot lalu paudutkon pardalananmunu.” Tapi dialusi halahi ma, “Tarimakasi ma da, dison pe hami marborngin di alaman ni kota on.”

PAMUNGKAAN 43:24

Dung i dioban ma si Simeon tu halahi, jana ditaruhon ia ma halahi tu bagas. Dilehen ia ma aek pamasu ni pat ni halahi, dohot ruput di halode ni halahi.

2 SAMUEL 11:8

Dung i didok si Daud ma tu si Uria, “Antong mulak ma ho jolo tu bagasmu anso maradian ho santongkin.” Dung kehe si Uria sian bagas godang i, ditongos si Daud ma silua tu bagas ni si Uria i.

LUKAS 7:38

Jongjong ma ia di pudi ni Jesus di lambung patNa i, tangis ma ia disi, ditombur ia ma pat ni Jesus dohot ilunia, asa diapusi ia ma i dohot obukna, dung i diumma ia ma i jana diusehon ia ma miak na huskus i.

LUKAS 7:43

“Anggo ninna rohangku, bayo na umbahat i utangna!” ning si Simon mangalusi. “Tutu do na nidokmi,” ninna Jesus.

JOHANNES 13:5

Dung i diusehon Ia ma aek tu sada sambong, dibasu Ia ma pat ni angka siseanNia i jana dipahiang Ia dohot anduk na lilit di gontingNia i.

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!

HAKIM-HAKIM 19:21

Dung i dioban ia halahi marborngin tu bagasnia lalu dilehen ia ma mangan angka halode ni bayo i. Dung i, paias diri ma ia dohot angka tamunia i, lalu mangan.

1 SAMUEL 25:41

Jadi jongjong ma si Abigail lalu manungkap mandok, “Naposo ni si Daud do au, rade do au mamasu pat ni angka naposonia.”