LUKAS 7:39 - BIBEL JAMITA NA DENGGAN

³⁹ Dung diida halak Parise na mangontang Jesus i pangalaho i didok ia ma di bagasan rohania, “Sugari tutu panurirang Ia, tontu angkon diboto Ia do sanga ise satutuna dadaboru na manjama Ia i; tontu diboto Ia muse do ngolu ni dadaboru on, na mardosa sajo!”

LUKAS 7:39 Iomraidhean Croise

2 RAJA-RAJA 5:20

marpikir ma si Gehasi pangurupi ni si Elisa i, “Biasi dipaloas ia kehe sajo inda manggarar? Sugari angkon jagiton ni tuanki do nian silehen-lehen ni halak Siria i! Hara ni Tuhan na mangolu i, angkon hukojar bayo i anso adong dapot au sanga na aha sian ia!”

PODA 23:7

Harana, dokkononnia do i, “Tole mangan hita; tambai hamu da,” hape anggo rohania nada songon i. Hum tabo begeon do hatania, tapi anggo rohana asing do.

JESAYA 65:5

Dung i didok halahi ma tu halak na asing, ‘Kehe ho, padao; sun do badianami ulang ho dais tu hami!’ Au Tuhan, nada tahan Au paida-ida jolma sisongon i. Songon api na so ra mintop do muruk ni rohangKu maradopkon halahi.

MATEUS 20:16

Dung i didok Jesus ma mangulahi, “Songon i muse ma angka halak na parpudi, gabe parjolo. Halak na parjolo hian gabe parpudi.”

MATEUS 21:11

“On ma ibana panurirang Jesus na sian Nasaret na di Galilea,” ninna angka na mangudurkon Jesus.

MARKUS 7:21

Angke sian bagasan ni sada-sada halak, i ma na sian rohania, marroan angka pikiran na jahat na mambaen ia gabe mambaen na rogon, manangko, mamunu,

LUKAS 12:17

Marpikir ma ia di bagasan rohania, ‘Aha ma ulaning sibaenonku saonnari? So adong inganan panyimpanan ni sude suha ni artangki.

LUKAS 15:2

Jadi mungut-ungut ma halak Parise dohot angka Siboto Surat i. Didok halahi, “Dipardongan Ia do angka halak na so ture, mangan muse dope Ia rap dohot halahi!”

LUKAS 16:3

Jadi marpikir ma bendahara i, ‘Aha do ulaning sibaenonku saonnari? Angke antahon ni tuanki ma au. Muda giot mamangkur, inda margogo be au, dung i mangido-ido maila au.

LUKAS 18:4

Tarhonok do inda ra panguhum i manolong na mabalu i. Tapi ujungna didok panguhum i ma di bagasan rohania, ‘Haru so mabiar pe au tu Debata jana inda huargahon jolma,

LUKAS 3:8

Patidahon hamu ma jolo pangalahomunu paboa na dung muba hamu sian angka dosamunu i! Dung i ulang pola dok hamu di bagasan rohamunu, ‘Si Abraham do ompungnami! Angke angkon ingotonmunu do: Sian angka batu on pe tarbaen Debata do pinompar di si Abraham!’

LUKAS 7:16

Sude ma halak mabiar, dipuji halahi ma Debata. Ninna halahi, “Madung tarida sada panurirang na godang di tonga-tonganta! Madung ro Debata laho paluahon bangsoNia!”

LUKAS 7:37

Adong muse do di kota i sada dadaboru pardosa. Jadi dung tarbege tusia ro Jesus jana topet mangan di bagas ni halak Parise, ro ma ia maroban sada galas pualam na marisi miak na huskus.

LUKAS 7:38

Jongjong ma ia di pudi ni Jesus di lambung patNa i, tangis ma ia disi, ditombur ia ma pat ni Jesus dohot ilunia, asa diapusi ia ma i dohot obukna, dung i diumma ia ma i jana diusehon ia ma miak na huskus i.

LUKAS 7:40

Dung i ninna Jesus ma tu si Simon, “Adong na giot dohononKu tu ho Simon.” “Denggan, didok Guru i ma,” ning si Simon.

JOHANNES 4:19

“Saonnari pe anso huboto, panurirang do hape Tuhan i,” ning anak boru i.

JOHANNES 7:12

Bahat ma hata-hata ni jolma na bahat i taringot tuSia. Adong na mandok, “Na burju do Ia.” Adong muse na mandok, “Nada, na paliluhon halak na bahat do Ia.”

JOHANNES 9:24

Dung i dipiohon halahi ma mangulahi na sorang mapitung i hian, jana didok halahi ma tusia, “Oku ma di jolo ni Debata paboa ma dohot tigor, angke hami boto pardosa do Bayo i.”