LUKAS 7:29 - BIBEL JAMITA NA DENGGAN

²⁹ Sude halak na disi, na umbege na nidok ni Jesus i, dohot ma i angka sitagi pajak, dihaporsayai halahi do hatigoran ni Debata, harana madung dilehen halahi dirina dipandidihon si Johannes.

LUKAS 7:29 Iomraidhean Croise

MASMUR 51:4

Maradopkon Ho, maradopkon Ho sajo do au mardosa, jana hukarejohon do angka na jahat dietong Ho. Anso tutu Ho tigor di bagasan angka hataMu, jana monang muda manguhumi Ho.

MATEUS 5:46

Harana, muda hum halak na manghaholongi hamu do dihaholongi hamu, aha labo ni i di hamu? Nada he laing songon i do dikarejohon angka sitagi pajak i?

LUKAS 20:6

Tapi muda tadok, ‘Sian jolma,’ sude ma halak na bahat on mandanggur hita, harana dihaporsayai halahi sudena do, sada panurirang do anggo si Johannes.”

LUKAS 3:12

Ro muse angka sitagi pajak mandapotkon si Johannes anso dipandidihon. Disapai halahi ma si Johannes, “Aha dehe sipatupaonnami ninna guru i?” Ning si Johannes ma mangalusi,

LUKAS 7:28

“Ingot hamu ma on, sian sude halak na jungada mangolu di tano on, nada adong be na gumodang sian si Johannes Pandidi. Tapi halak na ummenek di bagasan Harajaan Ni Debata, gumodangan dope i sian si Johannes Pandidi.”

LUKAS 7:35

Tapi diparhatutu sude halak na manjagitsa do hapistaran i.”

BAENON NI ANGKA RASUL 18:25

jana na dung diajari do ia laho mananda Dalan Ni Tuhan. Jadi sai marsitutu jana manat do ia mangajari taringot tu Jesus, haru pe hum pandidion ni si Johannes sajo dope na nibotonia.

BAENON NI ANGKA RASUL 19:3

“Antong dohot pandidion ni ise do hamu dipandidihon?” ning si Paulus manyapai. “Dohot pandidion ni si Johannes,” ninna halahi mangalusi.

SURAT NI SI PAULUS TU PARLAGUTAN ROM 10:3

Dibaen hara ni na so ditanda halahi do hatigoran ni Debata jana hara ni na nipajongjong halahi hatigoran di dirina sandiri, jadi nada unduk halahi di hatigoran ni Debata.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

HALUMBAAN 16:5

Hubege ma surusuruan na mangarajai aek mandok, “Na tigor do Ho, na adong saonnari, jana na adong hian, jana na badia do Ho, na dung mandabuhon uhuman on.

HAKIM-HAKIM 1:7

Didok si Adoni-Besek, “Najolo madung hugotap inang ni jari ni pat dohot tangan ni pitu pulu raja, jana hupadiar halahi mangan sian teba-teba ni sipanganon na madabu sian mejangku. Saonnari dibaen Debata ma tu au dos songon na hubaen tu halahi.” Dioban do muse si Adoni-Besek on tu Jerusalem jana disi ma marujung ngolunia.