LUKAS 7:25 - BIBEL JAMITA NA DENGGAN

²⁵ Na mangaligi aha dehe hamu di balian i? Halak na marpakean na halus dehe? Anggo halak na marpakean na jeges dohot halak na mangolu marsonang-sonang di bagas godang ni raja do i.

LUKAS 7:25 Iomraidhean Croise

2 SAMUEL 19:35

Ma marumur au salapan pulu taon jana nada adong be na pasonangkon di au. Nada huboto be daina sanga aha na hupangan sanga na huinum i, jana nada hubege be sora ni angka parende. Hum boban sajo noma au di raja i.

1 RAJA-RAJA 10:5

sude pardalan ni karejo ni angka pagawe di bagas godang i, sude pangoloion ni angka parkobas, pakean saragamna, sipanganon na dipasingkop dohot angka kamar inganan ni halahi. Laing diida ia muse do angka haul na nihaulkon ni si Salomo di Bagas Ni Debata. Gabe homang-komang jana tartarik ma roha ni ratu na sian Seba i paida-ida sudena i.

2 RAJA-RAJA 1:8

“Mamake baju juba jana marbobat huling-kuling ni binatang do,” ning halahi. “O, si Elia do i!” ning raja i marsurak.

ESTER 1:11

Disuru ia ma halahi maroban tu jolonia Ratu Wasti mamake jarunjung harajaon di ginjang ni uluna. Na jogi situtu antong ratu i, jana na giot patida-tidahon hajogionna i ma raja i tu angka na sangap-sangap dohot tu sude tamunia i.

ESTER 1:3

Di taon patoluhon mamarenta Raja Ahasweros, dibaen ma horja godang di sude na marpangkat dohot pagawenia. Ro do tu horja i tentara ni Persia dohot tentara ni Media, songon i muse angka gubernur maradu na mora-mora na sian propinsi.

ESTER 4:2

Maradian ma ia di jolo ni pintu horbangan ni bagas godang, harana diantahi do masuk halak na marpakean goni tusi.

ESTER 5:1

Di ari patoluhon si Ester na puaso i, dipake ia ma pakean ratunia, lalu kehe ma ia tu alaman na di bagasan bagas godang i jana jongjong ma ia di jolo ni pintu ni balerongna i. Topet do juguk raja i di ginjang ni habangsa na mangadop tu pintu i.

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

JESAYA 59:17

PakeonNia ma hatigoran songon baju bosi jana hamonangan songon kupia baja. Dipasada Ia rohaNia laho manyalosehon na masa i jana baloskononNia hajahatan na niae ni jolma.

MATEUS 11:8

Aha do satutuna na giot ligionmunu? Halak na marpakean na jeges do? Anggo angka na marbaju na jeges di bagas godang do i!

MATEUS 3:4

Sian imbulu ni unto do dibaen pakean na nipake ni si Johannes on. Bobatnia sian bobak. Siapor dohot aer ni loba do panganonnia.

MATEUS 6:29

Tapi Hudok ma tu hamu, si Salomo na kayo i pe nada jabat dipake ia pakean na jeges songon bunga-bunga i!

LUKAS 16:19

“Adong ma sada halak na kayo na mamake pakean surto, jana na marsonang-sonang ganop ari.

LUKAS 7:24

Dung kehe suruan ni si Johannes i gabe dipungka Jesus ma marcarito taringot tu si Johannes tu halak na bahat i. Didok Ia ma, “Na giot mangaligi aha dehe dibaen na kehe hamu mandapotkon si Johannes di halongonan? Arung na dumaol-daol na ni ombus ni alogo dehe?

LUKAS 7:26

Antong mangaligi aha do hamu umbaen na kehe hamu tu balian i? Sada panurirang do na niligimunu? Tutu, Hudok ma di hamu, na sumurung dope sian panurirang.