LUKAS 7:22 - BIBEL JAMITA NA DENGGAN

²² Jadi dialusi Jesus ma suruan ni si Johannes i, ning Ia ma, “Kehe ma hamu, paboa hamu ma tu si Johannes sanga aha na niida dohot na nibegemunu: Marnida do angka na mapitung, mardalan na pangpangon, malum na huliton, marbinege na maingol, na dung mate mulak dipangolu jana Jamita Na Denggan dibaritahon tu angka na pogos.

LUKAS 7:22 Iomraidhean Croise

JOB 29:15

Gabe mata do au di halak na so marnida; di halak na onyangon gabe au ma patna.

MASMUR 146:8

jana dibuka Ia do mata ni halak na mapitung. Ditogu Ia do halak na tinggang, jana dihaholongi Ia halak na tigor.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 43:8

“Pio hamu ma bangsongKi laho marparkaro; haru marmata halahi, mapitung do, jana haru pe marpinggol tapi maingol do.

JEREMIA 31:8

Sian Utara Huoban halahi mangulahi; Hupalagut halahi sian angka ujung ni portibi. Halak na mapitung dohot na lumpu pe dohot do disi, songon i muse ina na baru horas dohot na giot di api. Giot marroan ma halahi sudena, songon bangso na godang tu luat on.

ZEPANYA 3:12

PadiaronKu ma disi maringanan tongtong sada bangso na toruk roha, na ro tu Au mangido pangurupi. Tola ma halahi maringanan disi.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 21:14

Marroan ma angka na mapitung dohot na onyangon tu jolo ni Jesus di Bagas Ni Debata i. Sude halahi dipamalum Jesus.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

LUKAS 7:21

Jadi hatiha i topet ma Jesus pamalumkon bahat halak sian nyaena be. Dipaorot Jesus angka tondi na jahat, na mapitung pe gabe marnida dibaen Ia mangulahi.

LUKAS 7:23

Jana martua ma halak na so marganggu ni roha marnida Au!”

JOHANNES 1:46

Tapi dialusi si Natanael ma, “Adong dehe lakna ro na denggan sian Nasaret?” “Beta ma taligi,” ning si Pilipus mangalusi.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

BAENON NI ANGKA RASUL 8:7

Harana marruaran ma angka tondi na jahat sian bahat halak, mangangguhi marsora na gogo. Halak na onyangon pe dohot na matimpang laing bahat do na dipamalumsa.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.