LUKAS 7:21 - BIBEL JAMITA NA DENGGAN

²¹ Jadi hatiha i topet ma Jesus pamalumkon bahat halak sian nyaena be. Dipaorot Jesus angka tondi na jahat, na mapitung pe gabe marnida dibaen Ia mangulahi.

LUKAS 7:21 Iomraidhean Croise

1 RAJA-RAJA 8:37

“Muda masa ma di luat on, haleon sanga bala, suan-suanan pe disego-sego angin na milas, wereng sanga siapor, muda diporangi musu bangsoMi sanga hona nyae,

HAMALIMON 14:48

Dung dilepo dohot kapur na imbaru bagas i, hape lapukna i nada ro be, angkon paresoon ni malim do bagas i mangulahi, jana dohonon na dung ias bagas i, hara ni na dung mago lapukna i sude.

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

MARKUS 3:10

Ma songon i bahatna dipamalum Ia halak, jana sanga ise na adong nyaena marsiadu ma laho manjama Ia.

MARKUS 5:29

Dijama ia ma baju juba ni Jesus, manigor mantak ma na marmudar i. Inda adong be dihilala ia nyae di pamatangnia i.

MARKUS 5:34

Gabe didok Jesus ma tu anak boru i, “Ale anakKu, haporsayaanmi do na paluahon ho. Kehe ma ho di bagasan hahorasan, jana malum ma dihilala ho!”

LUKAS 7:20

Sisean ni si Johannes na dua i pe kehe ma mandapotkon Jesus, jana didok halahi ma, “Na nisuru ni si Johannes Pandidi do hami manopot Ho, giot manyapai, Ho dehe na giot ro i, sanga halak na asing dope sipainteonnami?”

IBRANI 12:6

Angke diajari Tuhan i do sanga ise halak na nihaholonganNia, jana diloncing Ia do ganop na niokuNia dakdanakNia.”