LUKAS 7:2 - BIBEL JAMITA NA DENGGAN

² Adong ma disi sahalak tentara Rom na pangkat. Adong muse do sahalak naposonia jana holong sajo do rohania midasa. Jadi marnyae ma naposonia i jabat giot mate.

LUKAS 7:2 Iomraidhean Croise

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

PAMUNGKAAN 35:8

Disi muse do si Debora, inang parorot ni si Ribka jumolo jana dikubur di toru ni hayu na godang sabola Selatan ni kota i. Hara ni i ma umbaen na margoar hayu i “Hayu Partangisan”.

JOB 31:5

Marsumpa do au na so unjung hubaen na so tama, na so jungada muse do au manipu tu halak.

PODA 29:21

Hatoban na dipamanja sian na poso, ujungna na so tarkuasoi do.

MATEUS 27:54

Mabiar ma komandan i rap dohot angka parajurit i na manjagoi Jesus dung diida halahi lalo i dohot sude na masa i. Didok halahi ma, “Tutu do Ia on Anak Ni Debata!”

LUKAS 23:47

Dung diida komandan ni tentara i na masa i, gabe dipuji ia ma Debata. Ning ia ma, “Tutu do! Halak na tigor do Bayo on!”

LUKAS 7:1

Dung sidung didok Jesus hataNia sudena i tu halak na bahat i, kehe ma Ia tu Kapernaum.

LUKAS 7:3

Jadi dung dibege parpangkat i taringot tu Jesus, disuru ia ma angka hatobangon ni halak Jahudi mandapotkon Jesus laho mangidohon anso ro Jesus pamalumkon naposonia i.

LUKAS 8:42

dibaen giot mate ne ma borunia na dung marumur dua bolas taon. Hum sada i muse do borunia. Tapi di na mardalan Jesus laho tu bagas ni si Jairus, marsisosak di ibana ma halak tuSia.

BAENON NI ANGKA RASUL 10:1

Adong ma sada bayo di Kaisarea na margoar si Kornelius, i ma komandan ni “Tentara Italia”.

BAENON NI ANGKA RASUL 10:7

Jadi dung kehe surusuruan na mangkobari i dohot si Kornelius, dipiohon ia ma dua halak parkarejo di bagasnia dohot sada halak tentara pangawalnia na mabiar mida Tuhan.

BAENON NI ANGKA RASUL 22:26

Umbege i, gabe kehe ma perwira i tu komandanna i manyapai, “Ia boti aha dehe na giot baenonmon? Warga negara Rom do bayo on!” ning ia.

BAENON NI ANGKA RASUL 23:17

Manigor dipiohon si Paulus ma sahalak perwira, didok ia ma, “Boan hamu ma jolo bayo on tu komandan i; adong na giot sipaboaonnia tu komandan i.”

BAENON NI ANGKA RASUL 27:1

Dung dipaputus angkon marlayar ma hami tu Italia, dipasahat halahi ma si Paulus dohot deba nari tahanan na asing tu tangan ni si Julius, i ma perwira ni tentara Rom na nigoaran “Resimen Ni Kesar”.

BAENON NI ANGKA RASUL 27:3

Ancogotna i lalu ma hami di Sidon. Denggan sajo do roha ni perwira Julius i tu si Paulus. Dipaloas ia do si Paulus kehe mandapotkon angka donganna anso tarlehen halahi sanga aha na porlu disia.

BAENON NI ANGKA RASUL 27:43

Tapi diantahi perwira i do maksud ni tentara i hara ni na giot paluahon si Paulus ia. Disuru ia ma marlange sude mangambur sanga na ise na malo marlange anso dilangei halahi manigor tu darat;

KOLOSSE 3:22

Hamu angka hatoban! Sanga na bia pe, oloi hamu ma tuanmunu na di tano on. Ulang ma hum hatiha dijagoi halahi hamu, mangoloi hamu tu halahi, anso dapotan pujian hamu sian halahi. Sian rohamunu ma oloi hamu halahi, hara ni biar mida Tuhan.