LUKAS 7:19 - BIBEL JAMITA NA DENGGAN

¹⁹ disuru ia ma halahi kehe mandapotkon Tuhan Jesus laho manyapai, “Ho do ulaning na giot ro i sanga adong dope halak na asing sipainteonnami?”

LUKAS 7:19 Iomraidhean Croise

PAMUNGKAAN 22:18

Pangidoan ni sude bangso na di tano on ma tu Au anso Hupasupasu halahi – hara ni na nioloanmu parentangKu.”

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

JESAYA 11:1

Songon hayu na nitaba do pomparan ni si Daud anak ni si Isai i. Tapi tubu do tunas sian tungko ni si Isai i jana sorang do anakna sian uratna i.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

HAGAI 2:7

HuturonKu ma sandok bangso. Jadi marroan ma angka arta hasudungan ni roha ni saluhut angka bangso, jana gokanKu ma Bagas on dohot hagodangan, ninna Tuhan Na Markuaso i.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MARKUS 6:7

Dipiohon Ia ma anak siseanNia na dua bolas i, disuruhon Ia ma halahi mardua-dua. Dilehen Ia muse ma kuaso di halahi mangusir angka setan.

LUKAS 10:1

Dung i dipili Jesus ma muse pitu pulu halak nari. Disuru Ia ma halahi mardua-dua halak manjoloi Ia tu sude kota dohot inganan na giot topotonNia.

LUKAS 11:1

Sanoli di sada inganan martangiang ma Jesus. Dung sidung Ia na martangiang i, didok sahalak sian anak siseanNia i ma tuSia, “Tuhan, ajari ma hami martangiang songon si Johannes diajari Ia do martangiang angka anak siseanNia i.”

LUKAS 11:39

Gabe didok Jesus ma tusia, “Tutu do i anggo halak Parise somal do dipaias hamu mangkuk dohot pingganmunu sian duru sajo tapi anggo di bagasan dirimunu sandiri gok dohot na nisamun dohot hajahatan do.

LUKAS 12:42

Dialusi Jesus ma, “Ise ma he naposo na burju jana na marroha i! I ma da naposo na nisuru ni tuanna gabe pangarajai di angka naposo na asing i laho mangalehen halahi mangan di hatiha na ditontuhon.

LUKAS 13:15

Dialusi Tuhan i ma kapala ni bagas paribadatan i songon on, “Angka pangalancap do hamu! Nada he dipalua hamu do lombu dohot halodemunu sian barana di Ari Sabat jana dioban hamu tu balian, mangaleheni minum?

LUKAS 17:5

Didok angka rasul i ma tu Tuhan i, “O Tuhan, patogu ma haporsayaannami.”

LUKAS 17:6

Dialusi Tuhan i ma, “Muda adong haporsayaanmunu sagodang ni batu ni sabi, tardok hamu ma tu bona ni gala-gala on, ‘Mumpat ma ho jana di laut ma panyuananmu,’ musti angkon mangoloi hayu i tu parentamunu.”

LUKAS 18:6

Jadi didok Jesus ma, “Parrohahon hamu ma pandohan ni panguhum na geduk i!

LUKAS 19:8

Jongjong ma si Zakeus didok ia ma tu Tuhan i, “O Tuhan, satonga sian artangku hulehen ma tu halak na pogos; jana sanga ise na unjung hutipu, hugarar pe mangulahi tusia opat noli lompit!”

LUKAS 22:61

Jesus pe humusor ma, manaili ma Ia tu si Petrus. Dung i tarsingot ma si Petrus hata na nidok ni Tuhan i tusia, “Painte so martahuak manuk di ari on, ma pola tolu noli ho mamorso Au.”

LUKAS 24:34

Didok angka sisean i ma, “Tutu do na dung mulak mangolu Tuhanta i! Madung dipataridahon Ia diriNia tu si Simon!”

LUKAS 7:13

Dung diida Jesus anak boru i, gabe ibo ma rohaNia midasa ning Ia ma, “Ulang be sai tangis ho inang!”

LUKAS 7:20

Sisean ni si Johannes na dua i pe kehe ma mandapotkon Jesus, jana didok halahi ma, “Na nisuru ni si Johannes Pandidi do hami manopot Ho, giot manyapai, Ho dehe na giot ro i, sanga halak na asing dope sipainteonnami?”

JOHANNES 11:2

Si Maria ma halakna na manduruskon miak na huskus i tu pat ni Tuhan i jana mangapusina dohot obuknia. Ibotonia ma si Lasarus na marnyae i.)

JOHANNES 4:1

Dibege halak Parise ma na umbahat sisean ni Jesus, dohot na nididihonNia ulang pado si Johannes. (

JOHANNES 4:25

Didok anak boru i ma tu Jesus, “Huboto do na giot ro humani Mesias i (i ma na margoar Kristus). Jadi muda ro Ia, paboaonNia ma sasudena tu hita.”

JOHANNES 6:23

Adong do angka parau na marroan sian Tiberias maradian donok tu inganan parmanganan ni halak na mangan roti i dung didok Jesus tarimakasi tu Debata.

JOSUA 2:1

Dung i disuru si Josua ma tu Kanaan dua halak mata-mata sian parbandaran na di Sitim. Diparentahon do mata-mata sidua halak i laho manangkasi tano Kanaan di na buni, lumobi kota Jeriko. Jadi kehe ma sidua halak i tu kota i, jana marborngin ma halahi di bagas ni sada dadaboru jalang na margoar si Rahab.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”