LUKAS 7:12 - BIBEL JAMITA NA DENGGAN

¹² Di na lalu Jesus di horbangan ni kota i, adong ma halak na maroban sada na mate tu balian. Anak sasada ni na mabalu do na jumolo i. Bahat do marroan halak kota i mangudurkon ina na mabalu i.

LUKAS 7:12 Iomraidhean Croise

PAMUNGKAAN 22:12

“Ulang palalu tanganmu tu dakdanak i sanga dihahua ho ia,” ninna surusuruan i. “Saonnari madung huboto sangapmu dohot pangoloimu tu Debata, angke nada manjua ho pasahat anakmu sisada-sada i tu Debata.”

PAMUNGKAAN 22:2

Didok Debata ma, “Piohon ma si Ishak anakmu sisada-sada i, anak hasianmi jana kehe ma hamu tu tano Moria. Di adu di sada dolok na giot patuduhononKu tu ho, angkon pasahatonmu ma anakmi gabe haul na nitutung tu Au.”

2 SAMUEL 14:7

Jana saonnari gabe sude ma koum sisolkotku mangalo au jana marsituntut anso hupasahat anakki tu halahi anso bolas matehonon ni halahi, hara ni na dung dibunu ia angginia i. Muda baenon ni halahi ma songon i, gabe mamunjung noma sasada au, so adong be sada anak pe. Soadahonon ni halahi ma arop ni rohangku na sasada i jana nada adong be anak halaklahi na tinggal di halaklahingku laho patoruskon pomparannia.”

1 RAJA-RAJA 17:12

Dialusi anak boru i ma, “Mangasahon Tuhan na mangolu, Debata na nisomba ni damang husumpahon do, paboa na so adong rotingku. Hum sanjomput topung gandum ma na adong di mangkuk dohot miak zetun saotik di botol. Na mambuat soban do au laho mangalompahon sisaotik i anso hami pangankon i dohot anakki. I noma panganonnami na parpudi, dung i painte-inte mate noma hami.”

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

1 RAJA-RAJA 17:23

Jadi dioban si Elia ma dakdanak i tu inangna i jana didok ia ma, “Indon ma inang anakmi! Mangolu do ia!”

1 RAJA-RAJA 17:9

“Saonnari angkon tu kota Sarfat noma ho kehe, tu lambung ni Sidon jana disi ma ho maringanan. Madung Huparentahon sada ina na mabalu disi anso dilehen ia ho mangan.”

2 RAJA-RAJA 4:16

Jadi didok si Elisa ma tusia, “Taon na ro songon on ma hatihana, marompa anak halaklahi ma ho inang.” “Ulang ma margabus amang!” nina dadaboru i. “Naposo ni Debata do amang!”

2 RAJA-RAJA 4:20

Jadi dioban ma dakdanak i tu inangna, diabing inangna i ma manigor. Hape andospotangna i mate ma dakdanak i.

JOB 29:13

Dipuji halak na marhasusaan situtu do au, huurupi do lopus sonang angka na mabalu.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

LUKAS 7:11

Nada sadia honok dung i, kehe ma Jesus tu kota Nain. Dohot angka anak siseanNia, songon i muse dohot halak na bahat kehe rap dohot Ia.

LUKAS 7:13

Dung diida Jesus anak boru i, gabe ibo ma rohaNia midasa ning Ia ma, “Ulang be sai tangis ho inang!”

LUKAS 8:42

dibaen giot mate ne ma borunia na dung marumur dua bolas taon. Hum sada i muse do borunia. Tapi di na mardalan Jesus laho tu bagas ni si Jairus, marsisosak di ibana ma halak tuSia.

LUKAS 8:52

Martangisan ma sude halak jana marsak be rohana hara ni parmate ni dakdanak i. Mandok hata ma Jesus, “Ulang hamu tangis. Inda na mate dakdanak on. Hum na modom do i!”

JOHANNES 11:19

Bahat do halak Jahudi marroan manopot si Maria dohot si Marta laho mangapoi halahi hara ni parmonding ni si Lasarus ibotona i.

BAENON NI ANGKA RASUL 9:39

Manigor jongjong ma si Petrus mangihutkon halahi. Jadi dung lalu disi, dioban ma ia tu bilik na di ginjang i. Martangisan ma sude angka ina na mabalu mangarongomi si Petrus, dipatidahon halahi ma tusia angka baju dohot juba na nijait ni si Dorkas di halahi dompak mangolu ia.

BAENON NI ANGKA RASUL 9:41

Ditangkup si Petrus ma tanganna i manogu ia laho jongjong. Dung i dipiohon si Petrus ma angka na porsaya i rap dohot angka ina na mabalu i, dipasahat ia ma si Dorkas na mulak mangolu i tu halahi.

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.