LUKAS 6:47 - BIBEL JAMITA NA DENGGAN

⁴⁷ Tu ise ma patudoson angka na ro tu Au jana na umbege hatangKu jana na patuluskonsa? Padiar ma Hupatuduhon tu hamu.

LUKAS 6:47 Iomraidhean Croise

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

MATEUS 12:50

Halak na patuluskon na nipangido ni roha ni Damang na di banua ginjang i, i do kahanggingKu, i do ibotongKu, i do dainang.”

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

LUKAS 6:48

Songon na pajongjong bagas do i: Na mangkuar tano i bagas-bagas jana mambaen ojahanna di batu. Di na ro banjir ditondong aek magodang ma bagas i, nada tarunggalkon banjir bagas i, harana di ginjang ni ojahan na denggan do dipajongjong bagas i.

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

LUKAS 8:8

Tapi adong muse do same na madabu tu tano na napu, gabe tubu ma i jana marsuha ma saratus lompit.” Dung i dipaujung Jesus ma umpamania i songon on, “Sanga ise na marpinggol laho marbinege, ditangihon ia ma!”

JOHANNES 10:27

Ditangihon biri-biringKu do sorangKu. Hutanda do halahi jana diihutkon halahi do Au.

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 5:40

Hape nada ra hamu ro tu Au laho manjagit hangoluan na so mantak.

JOHANNES 6:35

Jadi didok Jesus ma tu halahi, “Au do roti na mangalehen hangoluan; sanga ise na ro tu Au nada malean be ia, jana sanga ise na porsaya tu Au nada manguas be ia.

JOHANNES 6:37

Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.

JOHANNES 8:52

Dung i didok angka halak Jahudi i ma tu Jesus, “Saonnari pe anso tangkas sajo di hami, na nisonggopan ni setan do Ho! Si Abraham sandiri madung mate, songon i muse angka panurirang i. Hape didok Ho dope, ‘Sanga ise na mangoloi hatangKu, nada mate halahi salolot-lolotna.’

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

JAKOBUS 4:17

Jadi hara ni i, mardosa do sanga ise na umboto na denggan sipatupaonnia nian, hape nada dipatulus ia.

1 PETRUS 2:4

Antong, dapotkon hamu ma Ia. Songon batu na mangolu do i, i ma batu na niambungkon ni jolma hara ni na so marguna didok rohana; hape batu i do na mararga situtu anggo di Debata.

2 PETRUS 1:10

Hara ni i hamu ale angka dongan, mur haburjuhon hamu ma markarejo anso mur togu pamioon ni Debata dohot panodoonNia tu hamu. Muda dipatulus hamu songon i, nada jadi be madabu hamu.

1 JOHANNES 2:29

Muda diboto hamu, na tigor do Ia, tangkas muse ma di hamu, barang ise na mambaen hatigoran, i do na tubu sian Ia.

1 JOHANNES 3:7

Hamu angka dakdanakku, ulang ma padiar hamu adong halak na mangaliluhon hamu. Barang ise na mangkarejohon hatigoran, na tigor do i, dos songon Kristus na tigor i.

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.