LUKAS 6:42 - BIBEL JAMITA NA DENGGAN

⁴² Bia ma pandokkonmu tu donganmu, ‘Santabi jolo dongan, anso hubuat na sansilbak na menek na di matami’, salang balok na godang na di matami sandiri so diida ho? O, pangalancap! Paruar ma jolo balok na godang na di matami sandiri, i pe anso tangkas diida ho laho mambuat na sansilbak na di mata ni donganmu.”

LUKAS 6:42 Iomraidhean Croise

PODA 18:17

Hata na parjolo di sidang pangadilan sai na martarimo do i, lopus mambaen sapa-sapa tusia alona i.

MATEUS 26:75

Jana taringot ma tu roha ni si Petrus hata ni Jesus tusia, “Dompak so martahuak manuk, madung diporso ho Au tolu noli.” Kehe ma si Petrus tu balian tangis panguncombopon.

MATEUS 7:3

Biasi ma he angkon sai paligi-ligionmunu bancir-bancir na sansilbak di mata ni donganmu, hape hayu na sabalok na di matamu umpe diparrohahon ho?

MATEUS 7:4

Patut ma he puluk ho mandok tu donganmu, ‘Dia tuson anso huendat bancir-bancir i sian bagasan matami,’ hape di bagasan matamu sandiri adong dope na sabalok na godang?

LUKAS 13:15

Dialusi Tuhan i ma kapala ni bagas paribadatan i songon on, “Angka pangalancap do hamu! Nada he dipalua hamu do lombu dohot halodemunu sian barana di Ari Sabat jana dioban hamu tu balian, mangaleheni minum?

LUKAS 22:32

Tapi madung martangiang Au hara ni ho Simon, anso ulang hambar haporsayaanmi. Jana muda dung mulak ho mangulahi tu Au, angkon patoguonmu do angka kahanggimu.”

LUKAS 6:41

“Biasi sai diparrohahon hamu silbak-silbak na di mata ni donganmu, hape na sabalok na di matamunu sandiri so diida hamu?

LUKAS 6:43

“Anggo hayu na denggan nada diparbatuhon i parbatu na so hasaya. Songon i muse hayu na jatjat nada diparbatuhon i parbatu na denggan.

BAENON NI ANGKA RASUL 13:10

didok ia ma, “O anak ni Sibolis! Ho ma musu ni sude na denggan. Biasi dope laing so ra mantak ho manyego-nyego Dalan Ni Tuhan na tigor i?

BAENON NI ANGKA RASUL 2:38

Dialusi si Petrus ma, “Pauba hamu ma rohamunu sian angka dosamunu. Jana angkon dipandidihon ma hamu ganop be di bagasan goar ni Jesus Kristus, anso nisesa sude dosamunu i. Dung i jagitonmunu ma silehen-lehen ni Debata, i ma Tondi Parbadia.

BAENON NI ANGKA RASUL 8:21

Nada adong tohapmu di bagasan karejonami on, angke na so ias do rohamu maradopkon Debata.

SURAT NI SI PAULUS TU PARLAGUTAN ROM 2:1

Hara ni i, ale jolma na manguhumi, nada adong sidalianmu; muda diuhumi ho na asing, dirimu do diuhumi ho; angke taran manguhumi ho, laing dikarejohon ho do songon i.

2 KORINTUS 5:18

Debata do mambaen i sude, anso mardenggan hita dohot Debata markite-hite Kristus. Dung i disuru Ia muse ma hita palaluhon Jamita Na Denggan i anso laing dohot muse halak na asing mardenggan dohot diriNa.

2 TIMOTEUS 2:21

Sanga ise halak na paias dirina sian sude na jahat, i ma na nipake songon parkokas tu pangalaho na marsangap. Gabe nampuna hapunjungan jana na hasaya ma ia di tuanna. Na diparade hian do halak na songon i sipakeon tu angka ragam ni karejo na denggan.

2 PETRUS 1:9

Tapi anggo halak na so marpangalaho na songon i, gabe sompit do parnidaan ni i, nada adong diida ia jana lupa do ia na nisesa angka dosania na salpu i.