LUKAS 6:2 - BIBEL JAMITA NA DENGGAN

² Jadi didokkon deba sian halak Parise ma tu halahi, “Biasi dehe dibaen hamu na so jadi baenon di Ari Sabat i?”

LUKAS 6:2 Iomraidhean Croise

HARURUAR 22:10

Sanga ise na papahankon tu donganna sada halode, lombu, biri-biri sanga pahan-pahanan ni halak na asing, hape gabe mate pahan-pahanan i, sanga mabugang, sanga dioban halak pangarampas na ro mangaroro, hape nada adong sanga ise saksina.

HARURUAR 31:15

Onom ari lolotna tola markarejo, tapi anggo ari papituhon angkon marari Sabat do, i ma Ari Paradianan na gok, ari na badia di Tuhan: Sanga ise na mambaen karejona di Ari Sabat, nimatehon do uhuman ni i.

HARURUAR 35:2

Onom ari lolotna tola mambaen karejo, tapi anggo ari papituhon angkon adong do ari adian na badia di hamu, i ma Sabat, Ari Paradianan na gok di Tuhan; sanga ise na markarejo di ari i, angkon mate niuhuman.

JESAYA 58:13

“Muda nada didege-dege hamu aturan ni Sabat jana nada dikarejohon hamu siurusonmunu di aringKu na badia i, muda didok hamu Ari Sabat i ari na marhasonangan, jana ari na badia ni Tuhan i ari na marmulia; muda dipasangap hamu ari i marhite na so mangkarejohon karejomunu dohot na so mambaen urusanmu sanga na marhata na rumar,

MATEUS 12:2

Jadi dung diida angka halak Parise songon i, didok halahi ma tu Jesus, “Ligi ma, dibaen anak siseanMu do na so tola karejohonon di Ari Sabat.”

MATEUS 15:2

“Biasi ma dilanggar angka anak siseanMu adat dohot uhum na nipasahat ni angka ompunta sijolo-jolo tubu i? Nada jolo marbasu tangan halahi laho mangan songon adat na somal!”

MARKUS 2:24

Gabe didok halak Parise ma tuSia, “Ligi ma! Biasi dilanggar angka anak siseanMi Tona ni ugamonta? Dipambaeni halahi do na so tola baenon di Ari Sabat!”

LUKAS 5:33

Didok halahi ma tu Jesus, “Anggo anak sisean si Johannes jotjot do puaso dohot martangiang, songon i muse angka sisean ni Parise. Hape angka anak siseanMu mangan minum do halahi.”

JOHANNES 5:16

Markite-hite i, dipungka halak Jahudi ma mangaroha-rohai Jesus, hara ni na nipamalumNia halak di Ari Sabat.