LUKAS 6:19 - BIBEL JAMITA NA DENGGAN

¹⁹ Sude halak na disi marusaho be laho manjama Jesus, harana adong do kuaso na haruar sian pamatangNia na pamalumkon halahi.

LUKAS 6:19 Iomraidhean Croise

2 RAJA-RAJA 13:21

Sanoli hatiha mangubur na mate halak, tompu ma diida halahi ro garombolan ni Moab. Manigor disampakkon halahi ma bangke i tu bagasan kuburan ni si Elisa, kehe halahi marlojongi. Disi dais bangke i tu holi-holi ni si Elisa i, gabe mangolu ma mangulahi lalu jongjong.

MATEUS 14:36

Angka dipangido halahi ma, sugari tola halahi hum manjama ujung ni baju jubaNia i sajo pe. Gabe malum do sude na manjama baju jubaNia.

MARKUS 3:10

Ma songon i bahatna dipamalum Ia halak, jana sanga ise na adong nyaena marsiadu ma laho manjama Ia.

MARKUS 5:30

Laing di hatiha i taraso ma di Jesus, adong gogo na haruar sian pamatangNia. Manaili ma Ia di tonga-tonga ni halak na bahat i manyapai, “Ise nangkin manjama pakeanKu?”

MARKUS 6:56

Sanga na tu dia pe Ia kehe, tu angka kota, angka huta, sai marroan do halak marobani angka na marnyae. Gomos ma dipangido halahi anso dipatola Ia angka na marnyae i, hum manjama rambu ni baju ni Jesus. Jadi sude na manjama i, malum do.

MARKUS 8:22

Lalu ma halahi tu Betsaida. Dioban halak ma disi sahalak na mapitung tu Jesus. Dipangidohon halahi ma anso dijama Ia nian na mapitung i.

LUKAS 5:17

Di sada hatiha, dompak mangajari Jesus, ro ma halak Parise dohot angka Siboto Surat juguk disi. Sian angka kota na di Galilea, Judea dohot Jerusalem do halahi ro. Adong do kuaso ni Tuhan Jesus laho pamalumkon angka na marnyae.

LUKAS 6:18

Marroan ma halahi laho manangihon hata ni Jesus, boti anso dipamalum nyae ni halahi be. Sanga na hona setan pe halahi, laing dipamalum.

BAENON NI ANGKA RASUL 19:12

Hum sapu tangan pe sanga abit pangalilit ni gonting na jungada dipake si Paulus diboan tu angka halak na marnyae, manigor malum ma i jana angka tondi na jahat pe marmorotan ma sian halahi.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.