LUKAS 6:18 - BIBEL JAMITA NA DENGGAN

¹⁸ Marroan ma halahi laho manangihon hata ni Jesus, boti anso dipamalum nyae ni halahi be. Sanga na hona setan pe halahi, laing dipamalum.

LUKAS 6:18 Iomraidhean Croise

MATEUS 15:22

Jadi ro ma sahalak boru Kanaan sian luat i mandapotkon Jesus. Pio-pio ma ia, “O, Tuhan anak ni si Daud, ibo ma rohaMu mida au! Hona setan borungku. Ma hancit sajo!”

MATEUS 17:15

Didok ia ma hatania, “Ibo ma jolo rohaMu mida anakku! Solpoton do ia jana marhancit situtu. Muda hatiha di panombona i jotjot madabu ia tu api sanga tu aek.

LUKAS 6:17

Dung i manuat ma Jesus sian dolok i rap dohot angka rasul i, maradian ma halahi jongjong di sada inganan na hornop. Adong muse do disi angka anak siseanNia na asing songon i muse angka halak na marroan sian Judea, sian Jerusalem dohot na sian Tirus dohot Sidon dohot sian angka kota na di topi laut.

LUKAS 6:19

Sude halak na disi marusaho be laho manjama Jesus, harana adong do kuaso na haruar sian pamatangNia na pamalumkon halahi.

BAENON NI ANGKA RASUL 5:16

Salaku mudur-udur noma halak marroan sian angka kota na humaliang Jerusalem. Diparobani halahi be ma na marnyae ni halahi dohot angka na hona tondi na jahat. Dung i dipamalum do halahi sude.