LUKAS 6:11 - BIBEL JAMITA NA DENGGAN

¹¹ Tapi anggo halak Parise i dohot angka Siboto Surat na disi, milas sajo ma roha ni halahi, martahi ma halahi sanga songon dia baenon ni halahi tu Jesus.

LUKAS 6:11 Iomraidhean Croise

PARJAMITA 9:3

Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.

MATEUS 16:7

Marpikir-pikir ma halahi, marsipandohan ma angka anak sisean ni Jesus i na sada tu na asing, “Hara ni na so taoban i do roti, umbaen na nidokNia songon i.”

MATEUS 21:45

Dung dibege angka kapala ni malim dohot angka halak Parise angka umpama ni Jesus i, diboto halahi ma, halahi do hape na nidok ni Jesus disi.

LUKAS 4:28

Muruk ma sude halak na di bagas paribadatan i umbege hata ni Jesus na songon i.

LUKAS 6:10

Diligi Ia ma halahi sude humaliang, didok Ia ma tu bayo i, “Pahortang tanganmi!” Dipahortang ia tangannia i, gabe malum ma tangannia i.

LUKAS 6:12

Jadi manangkok ma Jesus hatiha i tu sada dolok laho martangiang. Martangiang ma Ia saborngin i tu Debata.

JOHANNES 11:47

Jadi hara ni i, dibaen angka halak Parise dohot angka sintua ni malim ma rapot, i ma rapot godang ni ugamo i. Didok halahi ma disi, “Bia noma baenonta? Bahat do dibaen Bayo i hahomangan!

JOHANNES 7:1

Dung i mardalani ma Jesus di Galilea. Nada ra Ia anggo tu Judea hara ni angka parkuaso ni halak Jahudi na disi, na sai manjalahi dalan giot mamunu Ia.

BAENON NI ANGKA RASUL 26:11

Jotjot do huparkanciti halahi di angka bagas paribadatan, jana hupaksa halahi mansoadahon na nihaporsayaan ni halahi. Hara ni goyak ni rohangku paida-ida halahi, hukojar-kojar do halahi lopus tu kota na asing.”

BAENON NI ANGKA RASUL 4:15

Jadi disuru halahi ma anso haruar rasul na dua i sian bagas parrapotan i, dung i martahi ma halahi.

BAENON NI ANGKA RASUL 4:19

Tapi dialusi si Petrus dohot si Johannes ma, “Timbang hamu ma jolo sanga dia na tigor di roha ni Debata: mangoloi angka parentamunu do sanga mangoloi parenta ni Debata.

BAENON NI ANGKA RASUL 5:33

Jadi dung dibege halahi na songon i muruk sajo ma halahi, jana martahi ma halahi laho mamatehon angka rasul i.

BAENON NI ANGKA RASUL 7:54

Jadi dung dibege angka na ro tu rapot ugamo i na nipajojor ni si Stefanus i, gabe hancit ma roha ni halahi jana patungaripon ma halahi tusia.

2 TIMOTEUS 3:9

Tapi inda na dapot halahi be bagi aha, harana angkon muli tarboto do haotoon ni halahi di halak sudena, songon haotoon ni si Janes dohot si Jambres i.