LUKAS 5:34 - BIBEL JAMITA NA DENGGAN

³⁴ Dialusi Jesus ma, “Tarbaen ma he puaso angka tamu di horja ni na marbagas salolot rap dohot halahi bayo pangoli i?

LUKAS 5:34 Iomraidhean Croise

ENDE NA GODANG 5:8

Hamu angka boru Jerusalem, hupasumpa ma hamu, muda marsuo hamu dohot haholonganku, paboa ma tusia, na marnyae roha do au patunda ni holong ni roha.

ENDE NA GODANG 6:1

Tu dia do haholonganmi, o bujing na jumogi, sabola tu dia do kehena, anso dapot hami manjalahisa?

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JESAYA 62:5

Songon sada doli-doli na mambuat boru na bujing, songon i ma na manompa ho giot marripehon ho. Songon pangoli na marjop ni roha tu na nibuatnia, songon i ma sonang ni roha ni Debata mida ho.

ZEPANYA 3:17

Diondihon Tuhan Debatamunu na gogo i do hamu. Hara ni gogo ni kuasoNia, monang hamu. Marmoga-moga Tuhan jana marjop ni roha hara ni hamu, di bagasan holong ni rohaNa dilehen Ia di hamu ngolu na imbaru. Hara ni hamu marende ma Ia jana marjop ni roha hara ni hamu,

MATEUS 22:2

Didok Ia ma, “Anggo Harajaan Ni Banua Ginjang tarsongon sada raja na mambaen horja parbagason ni anakna do i.

MATEUS 9:15

Dialusi Jesus ma, “Bia do ninna rohamunu? Adong ma he ninna rohamunu tamu na marsak hatiha pesta mangupa na marbagas, salolot rap dohot halahi bayo pangoli i? Tapi muda dung dapot hatihana dibuat bayo pangoli i sian halahi, baru pe anso puaso halahi.

LUKAS 5:33

Didok halahi ma tu Jesus, “Anggo anak sisean si Johannes jotjot do puaso dohot martangiang, songon i muse angka sisean ni Parise. Hape angka anak siseanMu mangan minum do halahi.”

LUKAS 5:35

Tapi dapot do hatiha ni i, dibuat bayo pangoli i sian tonga-tonga ni halahi. Anggo disi baru ma puaso halahi.”

JOHANNES 3:29

Bayo pangoli do nampuna boru na niolina. Anggo dongan ni bayo pangoli i hum jongjong sajo do ia mandongani jana manangihon pangoli i jana jop ma rohania umbege sora ni pangoli i. Songon i ma au, saonnari marjop ni roha situtu do au.

2 KORINTUS 11:2

Malungun do au di hamu, songon dihalungunkon Debata sandiri hamu. Tarsongon bujing-bujing na ias dope hamu, na hupatunangkon tu sada bayo, i ma Kristus.