LUKAS 5:30 - BIBEL JAMITA NA DENGGAN

³⁰ Jadi mungut-ungut ma angka halak Parise dohot angka Siboto Surat, gabe didok halahi ma tu angka anak sisean ni Jesus, “Biasi rap mangan minum hamu sudena dohot sitagi-pajak dohot angka na nietong ni halak jolma na so ture?”

LUKAS 5:30 Iomraidhean Croise

JESAYA 65:5

Dung i didok halahi ma tu halak na asing, ‘Kehe ho, padao; sun do badianami ulang ho dais tu hami!’ Au Tuhan, nada tahan Au paida-ida jolma sisongon i. Songon api na so ra mintop do muruk ni rohangKu maradopkon halahi.

MATEUS 5:46

Harana, muda hum halak na manghaholongi hamu do dihaholongi hamu, aha labo ni i di hamu? Nada he laing songon i do dikarejohon angka sitagi pajak i?

MATEUS 9:11

Diida halak Parise ma halahi na mangan i. Jadi disapai halahi ma anak siseanNia i, ninna halahi ma, “Biasi ma he mangan Gurumunu i rap dohot panjagit pajak dohot angka pardosa?”

MARKUS 2:16

Jadi adong ma deba angka Siboto Surat na sian halak Parise na marnida Jesus, hatiha na mangan i Ia rap dohot angka sipanjagit pajak i songon i dohot halak na so ture i. Jadi disapai halahi ma angka anak siseanNia i, “Biasi mangan Jesus rap dohot angka sipanjagit pajak dohot angka halak na so ture?”

MARKUS 7:3

Anggo halak Parise dohot sude halak Jahudi tongtong do halahi mangihutkon adat dohot hasomalan na nipungka ni ompu ni halahi. Na so ra do halahi mangan anggo so jolo marbasu tangan hombar tu aturan-aturan na tontu.

MARKUS 9:16

“Aha ma na nihataanmunu dohot angka Siboto Surat i?” ninna Jesus manyapai angka siseanNia i.

LUKAS 18:11

Jadi tanda sajo ma dibaen Parise i parjongjongnia jana martangiang ma ia, ‘O ale Debata, mandok tarimakasi ma au tu Ho, angke nada sarupa au dohot angka halak na asing i, na manyamun, na so jujur dohot na mangalangkup. Tarimakasi ma hudok dibaen nada tudos au dohot halak sitagi pajak indi.

LUKAS 19:7

Mungut-ungut ma sude halak marnida pangalaho i. Didok halahi ma, “Kehe do Ia masuk tu bagas ni halak pardosa!”

LUKAS 5:17

Di sada hatiha, dompak mangajari Jesus, ro ma halak Parise dohot angka Siboto Surat juguk disi. Sian angka kota na di Galilea, Judea dohot Jerusalem do halahi ro. Adong do kuaso ni Tuhan Jesus laho pamalumkon angka na marnyae.

LUKAS 5:21

Mamungka ma mangkatai na sada tu na asing angka Siboto Surat dohot angka Parise i, ninna ma, “Ise dehe na mangincahi Debata on? Ise ma he lakna na tarbaen manyesa dosa ia so hum Debata?”

LUKAS 7:34

Dung i ro ma Anak Ni Jolma i – mangan do Ia jana minum – gabe didok hamu, ‘Ligi ma jolo Ia, na songkal, parminum, dongan ni sitagi pajak jana dongan ni halak pardosa.’

LUKAS 7:39

Dung diida halak Parise na mangontang Jesus i pangalaho i didok ia ma di bagasan rohania, “Sugari tutu panurirang Ia, tontu angkon diboto Ia do sanga ise satutuna dadaboru na manjama Ia i; tontu diboto Ia muse do ngolu ni dadaboru on, na mardosa sajo!”

BAENON NI ANGKA RASUL 23:9

Jadi gabe gaor sajo ma halahi. Adong ma deba guru na sian pihak ni Parise jongjong mangalo marsitutu. Didok halahi ma, “Anggo mangihutkon pandapotnami nada adong sala ni bayo on! Arongku na adong do ro tondi sanga surusuruan mangkatai dohot ia!”