LUKAS 5:26 - BIBEL JAMITA NA DENGGAN

²⁶ Homang sajo ma halahi sude hara ni mogana. Mardongan biar ni roha didok halahi ma, “Hahomangan na tutu situtu ma na taida sadari on!”

LUKAS 5:26 Iomraidhean Croise

JEREMIA 33:9

Gabe hamogaan dohot hagodangan ni rohangKu ma Jerusalem. Sandok bangso na di tano on gabe mabiar jana humitir gabe pasangap Au muda dibege halahi taringot tu sude hadengganan na Hubaen tu halak Jerusalem dohot taringot tu hadameon na Hulehen tu kota i.”

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

MATEUS 12:23

Homang ma roha ni halahi sude didokkon halahi ma, “On do ulaning pomparan ni si Daud i?”

MATEUS 28:8

Diompoti dadaboru i ma maninggalkon kuburan i. Mabiar marcampur jop ni roha, dilojongi halahi ma laho paboahon pangalaho i tu angka anak sisean ni Jesus.

MATEUS 9:8

Jadi mabiar ma halak na midaan i, gabe dipuji halahi ma Debata hara ni kuaso na songon i godang, na dung dilehen Debata di jolma.

MARKUS 2:12

Di jolo ni halak na bahat i, jongjong ma manigor halak na onyangon i, dioban ia lagenia i kehe ma ia mardalan. Homang-homang ma sude halak na disi i, dipuji halahi ma Debata. Didok halahi ma, “Inda unjung dope hami ida tarjadi na songon on!”

LUKAS 1:65

Gabe mabiar ma sude angka hombar bagasnia, jana sar ma barita i tu sude luat dolok ni Judea.

LUKAS 5:8

Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

LUKAS 7:16

Sude ma halak mabiar, dipuji halahi ma Debata. Ninna halahi, “Madung tarida sada panurirang na godang di tonga-tonganta! Madung ro Debata laho paluahon bangsoNia!”

LUKAS 8:37

Dung i gomos ma dipangido sude halak na di Luat Gerasa i tu Jesus, anso morot Ia sian inganan i, hara ni santakna biar ni halahi sude. Dung i marparau ma Jesus laho mulak.

BAENON NI ANGKA RASUL 4:21

Nada adong dapot angka na marrapot i sada dalan pe laho manguhumi si Petrus dohot si Johannes. Jadi diondam halahi ma rasul na dua i, dung i dipalua ma halahi na dua, angke sudena halak na bahat i gabe mamuji-muji Debata do hara ni na masa i.

GALATIA 1:24

Gabe dipuji halahi do Debata hara ni au.