LUKAS 5:24 - BIBEL JAMITA NA DENGGAN

²⁴ Tapi anso diboto hamu, na markuaso do Anak Ni Jolma i di tano on manyesa angka dosa.” Dung i didok ma tu na pangpang i, “Au mandok tu ho, jongjong ma ho, oban ma podomanmi, mulak ma ho tu bagasmu!”

LUKAS 5:24 Iomraidhean Croise

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

DANIEL 7:13

Di bagasan parnidaan na tu au borngin i, huida ma adong tarsongon jolma. Ro ma ia dihuliangi ombun lalu kehe ia mandapotkon Na Tongtong Mangolu i jana dipatandahon tuSia.

MATEUS 16:13

Hum lalu Jesus tu luat na mardonokkon Kaisarea Pilippi. Disapai Ia ma disi angka anak siseanNia i, “Ise dehe didok halak, Anak Ni Jolma i?”

MATEUS 25:31

“Muda ro Anak Ni Jolma i gabe Raja mardongan angka surusuruanNia, juguk ma Ia di habangsa ni hamuliaonNa.

MATEUS 26:64

Dialusi Jesus ma, “Tutu. Tapi ingot hamu ma: Mamungka saonnari idaonmunu ma Anak Ni Jolma i juguk di siamun ni Na Markuaso i. Dung i ro ma Ia di ginjang ombun na di langit an!”

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

MATEUS 9:6

Giot patidahononKu tu hamu na markuaso do di tano on Anak Ni Jolma i laho manyesa dosa.” Dung i didok Jesus ma tu na onyangon i, “Jongjong ma ho, oban podomanmi, kehe ma ho mulak!”

LUKAS 5:13

“Ra do Au: Antong malum ma ho!” ning Jesus manyurduhon tanganNia manjama bayo i. Laing di na santongkin i mago ma manigor panyakit huliton i sian bayo i.

LUKAS 5:18

Jadi ro ma hatiha i halak maroban sada bayo na pangpangon payak di ginjang ni podomanna. Diusahahon halahi ma maroban na pangpangon i tu bagasan bagas i anso tarpayakkon nian di jolo ni Jesus.

LUKAS 5:23

Dia do ummomo dohonon, ‘Madung nisesa dosami’, sanga, ‘Jongjong ma ho jana mardalan!’?

LUKAS 7:14

Dung i mangalangka ma Jesus saotik tu jolo manjama poti ni bangke i. Halak na maroban poti i pe gabe so ma halahi. Dung i didok Jesus ma, “O doli-doli, Au marsuru, ngot ma ho!”

LUKAS 8:54

Dung i digolom Jesus ma tangan ni dakdanak i, ning Ia ma, “Ngot ma ho inang!”

JOHANNES 11:43

Dung didok Jesus songon i, dipagogo Ia ma soraNia pio-pio, “Haruar ma ho Lasarus!” ning Ia.

JOHANNES 17:2

Madung dilehen Damang tu Anak i kuaso mangarajai sude jolma manusia anso dilehen Anak i hangoluan na so mantak tu sudena halak na nipasahat ni Damang tuSia.

JOHANNES 3:13

So na adong sahalak pe na jungada manaek tu banua ginjang, tapi anggo sian banua ginjang madung adong Sahalak na mijur tu tano on, i ma Anak Ni Jolma i.”

JOHANNES 5:27

Madung dilehen Ia kuaso tu AnakNia laho manontuhon uhuman, harana Anak Ni Jolma i do Ia.

BAENON NI ANGKA RASUL 14:10

jana dipagogo si Paulus ma sorania mandok hata, “Tigor ma ho jongjong!” ning ia. Mangambur ma bayo i jongjong lalu mardalan.

BAENON NI ANGKA RASUL 5:31

Jana madung dipabangkit Debata Ia markite tangan siamunNia gabe Pamimpin dohot Sipalua; anso marhamubaan ni roha dohot manjagit hasesaan ni dosa Israel i.

BAENON NI ANGKA RASUL 9:34

Didok si Petrus ma tu bayo i, “Jesus Kristus do pamalumkon ho, Eneas! Jongjong ma ho, hobasi ma podomanmi,” ning ia. Di na santongkin i manigor jongjong ma si Eneas.

BAENON NI ANGKA RASUL 9:40

Disuru si Petrus ma halahi sude anso haruar, jana singgang ma ia martangiang. Dung i dipaadop ia ma tu bangke ni si Dorkas jana didok ia ma, “Tabita, ngot ma ho!” Jadi dipabolnang ia ma matania jana dung diida ia si Petrus, juguk ma ia.

HALUMBAAN 1:13

Di holang-kolang ni angka parlampuan i jongjong ma sada songon Anak Ni Jolma do idaon rupana. Mamake baju juba na ginjang do Ia lalu tu patNa i. Adong di andoraNa i sere dialitkon Ia.