LUKAS 5:21 - BIBEL JAMITA NA DENGGAN

²¹ Mamungka ma mangkatai na sada tu na asing angka Siboto Surat dohot angka Parise i, ninna ma, “Ise dehe na mangincahi Debata on? Ise ma he lakna na tarbaen manyesa dosa ia so hum Debata?”

LUKAS 5:21 Iomraidhean Croise

MASMUR 103:3

Disesa Ia do sude dosamu, jana dipamalum sude nyaemu.

MASMUR 130:4

Hape diampuni Ho do hami, diarop rohangku do janjiNa.

MASMUR 32:5

Jadi gabe huoku dosangku tu Ho, nada adong hubunihon hasalaanku tu Ho. Diputuskon rohangku do mangoku i tu Ho, gabe diampuni Ho sude dosangku tu Ho.

MASMUR 35:5

Padiar ma diburu Surusuruan Ni Tuhan halahi songon lapung hiap na niombus ni alogo.

JESAYA 1:18

Ninna Tuhan do: “Ro ma hamu anso tapadenggan. Haru pe rara dosamu songon kirmisi, ias do baenonKu songon itak, haru pe rara songon hasumba, bontar do baenonKu songon hapas.

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

JESAYA 44:22

Huayak dosami songon alogo, salamu Hupaorot songon ombun na dihabangkon ni alogo. Hara ni i mulak ma ho tu Au, angke Au do Sipaluamu.”

DANIEL 9:19

Ale Tuhan, tangihon ma hami, sesa ma dosanami, parrohahon ma hami jana urupi ma hami! Ulang be palolot-lolot, anso sude halak umboto Ho do Debata. Ho do nampuna kota on dohot bangso on.”

DANIEL 9:9

Gok di Ho hasesaan ni dosa dohot asi ni roha haru pe madung mangalo hami tu Ho.

HAMALIMON 24:16

jana mate uhumon. Sanga ise, halak Israel pe sanga halak na leban na tinggal rap dohot Israel, muda diburai ia Tuhan, angkon dangguran ni halak na bahat i ma ia dohot batu lopus mate.

MIKA 7:19

Maribo ni roha ma Ho mangulahi tu hami jana ampuni ma hami. TaluhononMu do angka dosanami jana ambungkononMu tu tandolan ni laut!

MATEUS 26:65

Dung i disibakkon Malim Godang i ma pakeanNia. Didok Ia ma, “Mangalayasi do on! Inda porlu be saksi. Ma dibege hamu sudena hataNia na mangalayasi i.

MATEUS 9:3

Jadi i ma dihata-hatai deba Siboto Surat na adong disi. Angka ninna halahi ma di bagasan rohana, “Na mangalayasi Debata do Bayo on!”

LUKAS 3:8

Patidahon hamu ma jolo pangalahomunu paboa na dung muba hamu sian angka dosamunu i! Dung i ulang pola dok hamu di bagasan rohamunu, ‘Si Abraham do ompungnami! Angke angkon ingotonmunu do: Sian angka batu on pe tarbaen Debata do pinompar di si Abraham!’

LUKAS 5:17

Di sada hatiha, dompak mangajari Jesus, ro ma halak Parise dohot angka Siboto Surat juguk disi. Sian angka kota na di Galilea, Judea dohot Jerusalem do halahi ro. Adong do kuaso ni Tuhan Jesus laho pamalumkon angka na marnyae.

LUKAS 5:22

Diboto Jesus do na di bagasan roha ni halahi. Gabe ning Ia ma, “Aha dehe dipikiri hamu di bagasan rohamunu?

LUKAS 7:49

Mamungka marsipandohonan ma angka halak na asing na dohot juguk mangan disi, “Ise dehe Indon jabat tarsesa Ia dosa?”

JOHANNES 10:33

Dialusi angka parkuaso i ma, “Umbaen na giot danggurannami Ho, nada hara ni angka karejoMu na denggan i, tapi hara ni na nipabileMu do Debata! Jolma humani do Ho antong hape dioku Ho diriMu songon Debata!”

SURAT NI SI PAULUS TU PARLAGUTAN ROM 8:33

Ise ma he giot mangaduhon angka na nipili ni Debata? Debata do na patigorkon!