LUKAS 5:17 - BIBEL JAMITA NA DENGGAN

¹⁷ Di sada hatiha, dompak mangajari Jesus, ro ma halak Parise dohot angka Siboto Surat juguk disi. Sian angka kota na di Galilea, Judea dohot Jerusalem do halahi ro. Adong do kuaso ni Tuhan Jesus laho pamalumkon angka na marnyae.

LUKAS 5:17 Iomraidhean Croise

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 15:1

Di sada hatiha adong ma ro angka halak Parise dohot angka Siboto Surat sian Jerusalem mandapotkon Jesus. Disapai halahi ma Jesus songon on,

MARKUS 1:45

Jadi kehe ma bayo i. Tapi dipupu ia ma na paboa-boahon barita i tu jae tu julu, gabe nada tarbaen Jesus be torang masuk tu kota i. Di balian noma Ia di inganan na lungun-lungun i. Tapi haru songon i pe, laing marroan do halak mandapotkon Ia sanga na sian dia i.

MARKUS 16:18

Muda ditiop halahi ulok sanga tarinum halahi rasun, inda pola bagi mahua halahi. Muda diampehon halahi tanganna tu ginjang ni halak na marnyae, gabe malum ma dilala halahi.”

MARKUS 3:22

Didok angka Siboto Surat na sian Jerusalem i ma, “Na susur do sibolis tuSia!” Adong muse na mandok, “Kapala ni setan i do na mangalehen kuaso tuSia laho mangusir setan i.”

MARKUS 5:30

Laing di hatiha i taraso ma di Jesus, adong gogo na haruar sian pamatangNia. Manaili ma Ia di tonga-tonga ni halak na bahat i manyapai, “Ise nangkin manjama pakeanKu?”

MARKUS 7:1

Adong ma sapunguan halak Parise dohot piga-piga halak Siboto Surat ro sian Jerusalem mandapotkon Jesus.

LUKAS 15:2

Jadi mungut-ungut ma halak Parise dohot angka Siboto Surat i. Didok halahi, “Dipardongan Ia do angka halak na so ture, mangan muse dope Ia rap dohot halahi!”

LUKAS 2:46

Dung tolu ari dijalahi halahi, dohot halahi ma Ia juguk-juguk manangihon dohot manyapa-nyapai angka Siboto Surat Jahudi di Bagas Ni Debata.

LUKAS 5:21

Mamungka ma mangkatai na sada tu na asing angka Siboto Surat dohot angka Parise i, ninna ma, “Ise dehe na mangincahi Debata on? Ise ma he lakna na tarbaen manyesa dosa ia so hum Debata?”

LUKAS 5:30

Jadi mungut-ungut ma angka halak Parise dohot angka Siboto Surat, gabe didok halahi ma tu angka anak sisean ni Jesus, “Biasi rap mangan minum hamu sudena dohot sitagi-pajak dohot angka na nietong ni halak jolma na so ture?”

LUKAS 6:19

Sude halak na disi marusaho be laho manjama Jesus, harana adong do kuaso na haruar sian pamatangNia na pamalumkon halahi.

LUKAS 7:30

Tapi anggo halak Parise dohot angka Siboto Surat nada ra be halahi manjagit sangkap ni Debata tu halahi. Nada ra halahi dipandidihon si Johannes.

LUKAS 8:46

Ninna Jesus ma, “Tapi adong do halak na manjama Au. Huboto do i, angke adong hagogoon na ruar sian Au.”

JOHANNES 3:10

Dialusi Jesus ma, “Guru ni halak Israel ma ho, hape hum i pe so diboto ho?

JOHANNES 3:21

Tapi anggo halak na mangkarejohon hasintongan, ro do ia tu na torang i; anso tarida angka pambaenna i, angke madung dibaen i markite-hite Debata.”

BAENON NI ANGKA RASUL 19:11

Dipatupa Debata ma angka hahomangan na godang markite-hite si Paulus.

BAENON NI ANGKA RASUL 4:30

Pahortang ma tanganMu mambaen hamalumon, jana baen ma angka tanda hahomangan markite-hite goar ni Jesus, NaposoMu Na Badia i.”

BAENON NI ANGKA RASUL 5:34

Tapi adong ma sahalak Parise sian parrapotan i, na margoar si Gamaliel, Siboto Surat na niparsangapi ni halak na bahat. Jongjong ma ia jana dipangido ia ma anso nioban angka rasul i santongkin tu ruar.