LUKAS 5:14 - BIBEL JAMITA NA DENGGAN

¹⁴ Dung i dilarang Jesus ma bayo i anso ulang dicaritohon ia taringot tusi sanga na tu ise pe. Torus tu malim do disuru Jesus bayo i. “Pangido ma anso dipareso malim ho, dung i kehe ma ho pasahatkon haul hombar tu na nitontuhon ni si Musa laho patandahon tu halak na bahat, bahaso na dung malum ho.”

LUKAS 5:14 Iomraidhean Croise

HAMALIMON 13:2

Muda adong na mahancit di huling-kuling ni sada halak umpamana: marbosar, marbutir-butir sanga pano, na gabe nyae ni huling-kuling na maroban tu parmaraan, angkon obanon do halak na songon i tu malim pomparan ni si Harun.

HAMALIMON 13:49

Muda rata-rata do tompa ni lapuk i sanga rara-rara, i ma tandana na dung mabidang na lapuhon i, angkon patidahononkon do i tu malim.

MATEUS 10:18

Boanon ni halahi ma hamu tu jolo ni angka parkuaso dohot tu jolo ni raja-raja hara ni na mangihutkon Au. Jana i ma hatiha hadenggananna di hamu laho manyaksihon Au tu halahi dohot tu halak na so mananda Debata dope.

MATEUS 12:16

Tapi dilarang Ia ma, anso ulang dipaboa-boa halahi sanga na tu ise taringot tu sude na nibaenNia i.

MATEUS 8:4

Dung i didok Jesus ma tusia, “Ingot ma! Ulang caritohon na masa on sanga na tu ise pe. Tapi kehe ma ho manopot malim, patidahon ma dirimu. Jadi lehen ma haulmu hombar tu na nidok ni si Musa, anso diboto halak na dung malum ho!”

MATEUS 9:30

Gabe marnida ma mata ni halahi. Jadi dipaingot ma halahi, tangkas digogohon Ia anso ulang dipaboa-boa halahi pangalaho i sanga na tu ise pe.

MARKUS 1:44

“Bagi na bia pe nada tola paboaonmu pangalaho on sanga na tu ise pe. Torus tu malim ma ho kehe, pangido ma anso dipareso ia ho. Jadi dung dipareso ia ho, lehen ma haulmu tu Debata mangihutkon sapanjang aturan na nipasahat ni si Musa. I ma tandana na dung malum ho.”

MARKUS 6:11

Tapi muda lalu hamu tu sada inganan hape inda ra halak na disi i manjagit hamu dohot manangihon hamu, morot ma hamu sian inganan i. Paspaskon hamu ma abuan na di palakpak ni patmunu i gabe songon parningotan di halahi!”

LUKAS 17:14

Dung diida Jesus halahi, didok Ia ma, “Kehe ma hamu patidahon dirimunu tu angka malim.” Dompak na mardalan i halahi malum ma nyaena i.

LUKAS 5:13

“Ra do Au: Antong malum ma ho!” ning Jesus manyurduhon tanganNia manjama bayo i. Laing di na santongkin i mago ma manigor panyakit huliton i sian bayo i.

LUKAS 9:5

Dung i, muda nada dijagit halak hamu, paspaskon hamu ma abuan na di patmunu i di na laho morot hamu sian kota i anso gabe tanda ma i laho paingotkon halahi.”