LUKAS 5:12 - BIBEL JAMITA NA DENGGAN

¹² Di sada hatiha, dompak di kota Jesus, adong ma disi sada bayo, sap sude pamatangna i hona huliton. Di na niidania Jesus, ro ma ia manungkap tu joloNia marsomba-somba mangido. Didok ia, “Sugari ra Tuan i tarpamalum Tuan i do au!”

LUKAS 5:12 Iomraidhean Croise

PAMUNGKAAN 18:14

Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”

1 RAJA-RAJA 18:39

Disi diida rayat i pangalaho i, tungkap ma halahi tu tano lalu didok halahi ma, “Tuhan do Debata; Tuhan i do na tutu Debata!”

2 RAJA-RAJA 5:1

Si Naaman, i ma panglima ni tentara Siria. Holong do roha ni raja ni Siria i mida ia jana diargahon do ia. Harana markite-hite si Naaman, madung dilehen Tuhan hamonangan di tentara Siria. Hape marnyae hulit na jorbut ma si Naaman panglima ni tentara i.

2 RAJA-RAJA 5:27

Hara ni na nijagitmu silehen-lehen i, laing jagitonmu muse ma dohot nyae ni si Naaman i. Sanga na andigan salolot-lolotna laing hona nyae na songon i ma pomparanmu!” Di na ruar si Gehasi sian i, hona ma tusia nyae i – mamontar ma kulitna i.

2 RAJA-RAJA 7:3

Di ari i adong ma opat halak na huliton na lobi jorbut di ruar ni horbangan ni Samaria. Mangkatai ma halahi sama halahi, “Aha dope he gunana juguk-juguk hita dison painte-inte mate?

1 JUJUR TAON 21:16

Diida si Daud do habang-habang surusuruan i di antara ni langit dohot tano. Marpodang do surusuruan i tiop di tanganna songon na laho mangaroncohon Jerusalem. Jadi marabit goni ma si Daud dohot angka pamimpin ni Israel tanda ni solsol ni roha, manungkap tu tano.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

HARURUAR 4:6

Dung i didok Debata ma mangulahi tu si Musa, “Pamasuk ma tanganmu tu bagasan bajumi.” Dioloi si Musa songon i, tapi dung ditarik ia tangannia, madung puruon, gok turik-turik na bontar songon hapas.

HAMALIMON 13:16

Tapi anggo dung malum sibuk na so pade i, gabe mulak bontar, angkon patidahononnia dope dirinia tu malim,

HAMALIMON 9:24

Dung i dipaijur Tuhan ma api na manutung sude haul situtungon dohot goar-goaran na martabo-tabo di ginjang ni langgatan i. Di na niida ni angka jolma i na masa i, sude ma halahi marsurak jana unduk manyomba.

MATEUS 26:6

Hatiha di Betania Jesus, i ma di bagas ni si Simon na huliton na hinan,

MATEUS 9:28

Di na masuk Jesus tu sada bagas, manigor ro ma na mapitung na dua i mandapotkon Ia. Jadi ninna Jesus ma manyapai halahi, “Porsaya dehe hamu, tarpamalum Au hamu?” “Porsaya do hami Tuhan!” ninna halahi.

MARKUS 5:23

mangidohon dohot gomos anso ro jolo Jesus pamalum anaknia. Didok ia ma tu Jesus, “Marnyae do borungku. Tolong ma jolo ro Ho mamayakkon tanganMu tusia anso malum ia, jana ulang mate!”

LUKAS 17:16

Dung lalu di jolo ni Jesus, marsomba ma ia mandok tarimakasi tuSia. Halak Samaria do bayo i.

LUKAS 5:13

“Ra do Au: Antong malum ma ho!” ning Jesus manyurduhon tanganNia manjama bayo i. Laing di na santongkin i mago ma manigor panyakit huliton i sian bayo i.

PANGARATAION 24:8

Muda hona nyae kusta na marbahaya hamu, angkon tangkas sajo do patulusonmunu sanga aha na niparentahon ni Malim Levi tu hamu; ihutkon hamu ma angka sipaingot na dung hulehen tu halahi.

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

JOSUA 5:14

“Nada dongan, jana nada alo,” ning bayo i mangalusi. “Panglima ni tentara ni Tuhan do au dison.” Manungkap ma si Josua, marsomba jana didok ia ma, “Aha do na giot dohonon ni Tuanku di naposomon?”