LUKAS 5:10 - BIBEL JAMITA NA DENGGAN

¹⁰ Laing songon i muse ma angka dongan ni si Simon, i ma si Jakobus dohot si Johannes dakdanak ni si Zebedeus. Didok Jesus ma tu si Simon, “Ulang ho mabiar! Mamungka saonnari gabe sijala jolma noma ho.”

LUKAS 5:10 Iomraidhean Croise

MATEUS 13:47

“Anggo Harajaan Ni Banua Ginjang laing tarsongon jala na nisampakkon tu laut do i. Gabe dapot ma marragam-ragam ihan.

MATEUS 14:27

Tapi manigor digora Jesus ma mangalusi, “Pasonang hamu ma! Au do i. Ulang mabiar hamu!”

MATEUS 20:20

Dung i ro ma inang ni si Zebedeus rap dohot angka dakdanaknia tu Jesus. Unduk ma ia manyomba Jesus laho mangido sanga aha.

MATEUS 4:19

Didok Jesus ma tu halahi, “Beta, ihutkon hamu Au, baenonKu ma hamu sijala jolma.”

MATEUS 4:21

Didatdati Jesus ma na mardalan i. Diida Ia ma dua halak nari na markaha-maranggi, i ma si Jakobus dohot si Johannes anak ni si Zebedeus. Na topet rap do halahi dohot amang ni halahi paturehon jala di bagasan parau i. Dipiohon Jesus muse ma halahi.

MARKUS 1:17

Didok Jesus ma tu halahi, “Ihutkon ma Au! Anso Hubaen hamu sipanjala jolma.”

LUKAS 5:7

Gabe mangido tolong noma halahi hara ni i tu angka dongan ni halahi na di parau na asing i. Ro ma dongan ni halahi i, dipamasuk halahi ma tu parau na dua i lopus bubung jabat giot bonom parau i dua-dua.

LUKAS 5:9

Homang ma si Simon dohot halak na rap dohot Ia marnida ihan songon i bahatna dapot halahi.

LUKAS 6:14

Si Simon (na nigoarannia muse si Petrus), dohot si Andreas anggi ni si Simon; si Jakobus dohot si Johannes, si Pilipus dohot si Bartolomeus,

JOHANNES 21:2

Lagut ma hatiha i si Simon Petrus dohot si Tomas na nigoaran muse si Linduat, dohot si Natanael halak Kana na di Galilea, songon i muse angka anak ni si Zebedeus rap dohot dua halak nari sisean ni Jesus na asing.

BAENON NI ANGKA RASUL 2:4

Jadi digohi Tondi Parbadia ma halahi sude jana mamungka ma halahi mangkatai di hata na asing na marragam-ragam. Mangkatai ma halahi hombar tu hata na nilehen ni Tondi i dokkonon ni halahi.

2 KORINTUS 8:23

Anggo taringot tu si Titus, ale-alengku do i, donganku saparkarejoan laho mangurupi hamu. Jana taringot tu angka dongan na asing i na rap kehe dohot ia, angka utusan ni parlagutan i do halahi – gabe sada puji-pujian di Kristus i.

2 TIMOTEUS 2:26

Jadi anso gabe torang roha ni halahi mangulahi jana talgang sian sambil ni Sibolis na manjorat halahi jana na mamaksa halahi mangihutkon hagiotna.